POP 5

Lajmet më të lexuara të 5 minutave të fundit

Sport

Renditja/ Tirana fiton pas 138 ditësh, përmbys 2-1 Skënderbeun në kryeqytet! AF Elbasani i falet Lleshit në Ballsh

Afro katër muaj e gjysmë nga fitorja e fundit në Superligë, Tirana është rikthyer te tri pikët dhe këtë e ka bërë duke përmbysur 2-1 Skënderbeun në "Air Albania".

Afro katër muaj e gjysmë nga fitorja e fundit në Superligë, Tirana është rikthyer te tri pikët dhe këtë e ka bërë duke përmbysur 2-1 Skënderbeun në "Air Albania". Dopieta e Prengaj në pjesën e dytë ishte deçizive për bardheblutë e Bledi Shkëmbit, që shohin fitoren e parë në javën e shtatë të sezonit të ri.

Në kryeqytet ndeshja u karakterizua nga një luftë sportive, me miqtë korçarë që gjetën epërsinë në minutën e 38-të pas penalltisë të kthyer në gol nga Ermir Rashica.

Fraksioni i dytë i lojës ishte me një tjetër fytyrë për vendasit, që vendosën ekuilibrat me Fatmir Prengaj. Vetëm pak sekonda nga nisja e ndeshjes, sulmuesi lëvizi mirë në zonë, shmangu rivalët dhe me një të djathtë të saktë ia ndali sferën në rrjetë Marco Aliajt.

Skënderbeu kishte shanset e veta për shënim, mirëpo sërish Prenga me një gol fotokopje kaloi Tiranën në epërsi në minutën e 73. Bledi Shkëmbi me Tiranën e tij shijojnë tri pikët e para këtë sezon, duke u ngjitur në vendin e shtatë me nëntë pikë, për të lënë pas korçarët me 7 të tilla.

Më herët, në Ballsh skuadra e AF Elbasanit fitoi 0-1 kundër vendasve të Bylis. Goli i Arsen Lleshit në minutën e 78-të bëri që Nevil Dede mos debutonte me pikë në stolin e ballshiotëve kundër ish-skuadrës.

Me ndeshjet e së dielës Superliga uli siparin e raundit të shtatë, teksa Vllaznia paçka disfatës kundër Dinamos kryeson me 13 pikë, ndjekur nga Partizani dhe AF Elbasani me një më pak.

Rezultatet:

E premte, 27 shtator 2024

Egnatia 0-2 Partizani

E shtunë

Laçi 0-1 Teuta

Dinamo 2-1 Vllaznia

E diel

Bylis 0-1 AF Elbasani

Tirana 2-1 Skënderbeu

Renditja:

S.Dh/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze