Renis Gjoka flet për planet e zgjerimit të familjes: Do bëhem baba për herë të dytë! Vajza s’do lindë në Shqipëri

Renis Gjoka flet për planet e zgjerimit të familjes: Do bëhem baba për herë të dytë! Vajza s’do lindë në Shqipëri

Këngëtari Renis Gjoka

Këngëtari Renis Gjoka do bëhet sërish baba i një vajze. Rokeri ka zbuluar se foshnja pritet të vijë në jetë së shpejti dhe do lindë jashtë Shqipërisë. Ai tregoi se është i lumtur që fëmija i dytë do jetë vajzë dhe se emrin e vogëlushes nuk e ka zgjedhur akoma, por që ka disa alternativa. I ftuar në “ABC e mëngjesit”, Renis Gjoka tha se nuk ndodhet pranë bashkëshortes për shkak të kontratave që ka në Shqipëri.

“Aura së shpejti mbush 4-vjeçe. Do bëhem baba për herë të dytë. Presim të vijë edhe bebi nga momenti në moment.

Është vajzë dhe jam shumë i lumtur që është sërish vajzë, nuk e diferencoj fare dhe jam shumë i lumtur. Mendoj që emocioni është i njëjtë i pritjes, por duke qenë me eksperiencë gjërat merren më me sportivitet. Emocioni i pritjes është i njëjti. Jam dedikuar plotësisht ndaj Aurës. Jam në një fazë të karrierës që më pret puna të bëj edhe pauza. Kam krijuar një lloj stabiliteti. Mendova që më e rëndësishme në këtë fazë  të jetës është prania tek jeta e fëmijës tënd. Dhurata më e bukur që mund t’i bësh fëmijës është koha, jo lodrat. Benefitet i shoh që sot, është fëmijë i rritur mirë dhe me dashuri, duke parë reagimin e saj ndihem krenar, shumë mirë me veten time dhe kam bërë zgjedhjen e duhur.

Me vajzën e dytë nga muzika nuk do shkëputem por do të organizoj kohën.

Nuk ia kemi vendosur ende emrin, kemi disa alternativa dhe ky është problemi, kemi 3 ditë që themi me bashkëshorten sot do e vendosim emrin kështu, sepse bashkëshortja ndodhet në një vend që është çik larg nga i joni.

Kur zgjohet ajo nga gjumi, këtij ka kaluar gjysma e ditës dhe ka tre ditë që nuk po e ndaj. Po sot do ja vëmë se s’bën. Edhe kur lindi Aura e kam takuar pas 10 ditësh, pasi lindi jashtë. E njëjta gjë do ndodh edhe këtë herë. Identike.

Nëse herën e parë e mora si vendimin dhe nuk e dija nëse më vonë do të kisha pengje, e vërtetova që jo. E njëjta gjë do ndodhë sërish, kemi zgjedhur që gruaja ta bëjë këtë sakrificë të madhe, është me familjen e saj, si edhe vajzën. Unë nuk mund të shkëputesha dot, as me Aurën dhe as tani, kam kontrata që duhet t’i përmbush dhe kam afate. Po rri për punë dhe s’do më mbetet pishman. Kur të lindë do vijë vajza këtu, kam problem edhe avionët. Lëviz nëpër vende që janë maksimumi 2-3 orë larg, kurse për vende që janë larg më duhet të rri atje 3 muaj të marr veten.

Dëshira është e madhe për shumë fëmijë, por jeta ecën, nervat konsumohen, besoj se mbyllim me kaq. Është edhe çështje moshe, jemi me bashkëshorten moshatarë, edhe orë biologjike s’ka. Do të doja shumë fëmijë, por duhet t’i kishim nisur më herët.”- u shpreh ai.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të zhvillohen zgjedhje të reja në komunat në veri të Kosovës?



×

Lajmi i fundit

Bledi Mane komenton situatën në Kosovë, por nuk i del inati me Nitën, ja si e 'thumbon' ish-banoren e BBV

Bledi Mane komenton situatën në Kosovë, por nuk i del inati me Nitën, ja si e 'thumbon' ish-banoren e BBV