POP 5

Lajmet më të lexuara të 5 minutave të fundit

Kronikë

Report Tv në banesën ku 35 vjeçari burgosi nënën, gruan dhe vajzën e mitur! Hiqen kamerat e sigurisë! Flasin fqinjët: Ishte njeri i dyshimtë e arrogant

Fqinjët e 35-vjecarit që mbajti në izolim familjen, thonë se shumë rrallë e kishin parë gruan të dilte, dhe gjithmonë kokë ulur e nën shoqërinë e burrit. Ata e përshkruajnë 35-vjeçarin arrogant. Kishin dyshuar përse kishte monitorim me kamera në shtëpi, por pa menduar se gruaja mbahej mbyllur jashtë dëshirës së saj bashkë me 2 fëmijët dhe vjehrrën.

Diçka që hetuesit ende nuk dinë ta shpjegojnë, e shtyu 35-vjeçarin Jetnor Zh, të mbajë prej rreth 1 viti në izolim gruan, 2 fëmijët dhe nënën e tij. E kishte kthyer shtëpinë në burg. U mbyllte derën me çelës pasi dilte, i ruante gjatë gjithë kohës me kamera të vendosura në çdo cep brenda e jashtë shtëpisë, u fikte dritat dhe i bllokonte valët telefonike të mos kishin asnjë komunikim me të tjerë, veçanërisht me policinë. Nga ajo që u ka thënë hetuesve, dyshonte se diçka e keqe mund t’i ndodhte familjes së tij nëse flisnin me persona të tjerë, e ndaj i mbylli kontaktet me botën.

Telefonatën që burri u ndaloi familjes së tij, e bëri në polici një i afërm, të cilit blutë i ruajnë identitetin. U tha se kishte kohë pa folur me ta, dhe se kishte frikë mbi çfarë mund të kishte ndodhur. Gratë e izoluara nuk mundën t’ia hapin dot derën efektivëve kur trokitën pas telefonatës në sallën operative. Nëna e 35-vjeçarit u tha policëve të gjejnë djalin e saj pasi ai e kishte çelësin. Në fakt uniformat blu nuk e dinin se burri kishte me vete edhe të vërtetën e mbajtur fshehtë për kaq gjatë. I detyruar të hapte derën e banesës të kthyer në qeli, 35-vjeçari bëri edhe një tentativë të fundit t’i ushtronte presion psikologjik grave për të mos folur, por nëna e tij e cila vinte në banesë për t’i qëndruar pranë nipit e mbesës, gjeti guximin për të treguar se nusja e saj dhe dy fëmijët e çiftit ishin nën terrorin e kryefamiljarit.

Që djali ishte agresiv na e rrëfejnë edhe fqinjët e familjes.

“Isha ndeshur në shkallë disa herë me të. Nuk përshëndeste. Zonjën e kam parë por e kishin si të ndaluar të përshëndetej me njerëzit. E pashë që kishte një gjë që nuk shkonte por thashë është zgjedhje e njerëzve. Gruaja dilte rrallë nga banesa, ishte e shoqëruar gjithmonë. Ai ishte i pasjellshëm, tip arroganti kur vinte puna për gërricjet për gjëra koti me komshinjtë”- u shpreh një prej fqinjëve të familjes së izoluar.

Nuk dihet se çfarë ndodhi me të riun me profesion ekonomist, kohës e fundit i mbetur pa punë, që të shkatërronte martesën 10-vjeçare e të detyronte të qëndronin nën torturë familjen e tij

Pas bisedës me psikologen gruaja është marrë në pyetje edhe në policinë e Tiranës. Ka arritur të tregojë se burri i mbante kyçur dhe ushtronte dhunë mbi të. Ka menduar edhe vetëvrasjen duke e shfaqur gjendjen e rënduar psikologjike në disa letra lamtumire që efektivët gjetën në banesë.

 

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu