POP 5

Lajmet më të lexuara të 5 minutave të fundit

Reportazh

'Shqipëria turistike'/ Rimëkëmbja e Durrësit përmes trashëgimisë, shfaqjet teatrale, ekspozitat e koncertet mbledhin turistët e huaj e ata vendas

Durrësi po tenton të rimëkëmbet përmes trashëgimisë kulturore. Teatri në Amfiteatër, ekspozitat e koncertet në zonat e Muzeun arkeologjik, janë gjetur si formulë shëruese për vragat e ngjarjeve të fundit e për të shtuar numrin e vizitorëve drejt qytetit bregdetar.

Me vragat e ngjarjeve të kobshme mbi supe qyteti arkeologjik po ringrihet. Peizazhi është aleat i Durrësit me bregdetin që po ringjallet, por trashëgimia kulturore i ka shërbyer më shumë se kurrë këtë vit për të ndjellë turistët e huaj dhe vendas....

Harmonizimi i aktiviteteve artistike ka qenë formula e duhur për promovimin e aseteve arkeologjike përgjatë këtyre muajve. Kështu korriku u mbyll me 10 mbrëmje koncerte të Festivalit Ndërkombëtar i Muzikës së Dhomës, që për këtë edicion të 17-të u ndal në ambientet e Muzeut Arkeologjik.

Muzikë, ekspozita, por edhe magjia e teatrit duket se ka forcuar ‘muret’ e kujtesës historike e asaj arkeologjike. Në Amfiteatër aktorët e teatrit të Durrësit, kanë folur me gjuhën shekspiriane në “Ëndrrën e një nate vere” përgjatë këtij sezoni. Shfaqja “Pa faj” është pjesa e radhës që do të interpretohet nën regjinë e Mimoza Marjanakut nga 10 gushti.

Muzeu Arkeologjik mbetet padyshim një nga oazet më joshës, për të zbuluar Durrësin antik e historikun e tij. E ky vit, duket se ka qenë i mbarë për vizitorët që rrugëtojnë përmes artefakteve nga prehistoria deri në zbulimet e viteve të fundit.

Statuja e Geas, skulptura e perandorit romak, objekte qeramike, monedhat e Dyrrahut antik, por edhe zbulime të botës nënujore, rrëfejnë jo vetëm historinë e qytetit, por edhe punën kolosale që është bërë nga arkeologët.

Muzeu do të vijojë aktivitetet artistike që e rigjallërojnë me më shumë turistë deri në rikonstruksion.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Francë/ Makinisti hidhet nga treni me shpejtësi të lartë! Bllokohen mijëra udhëtarë

Francë/ Makinisti hidhet nga treni me shpejtësi të lartë! Bllokohen mijëra udhëtarë

25 Dhjetor, 18:20