POP 5

Lajmet më të lexuara të 5 minutave të fundit

Ekonomi

Reshjet e shiut përmirësojnë situatën hidrike në liqenin e Fierzës! Niveli i ujit 4 metra më lart se 6 ditë më parë

Përkundër sasisë së reshjeve të ditëve të fundit hidrocentrali i Fierzës, vijon të mos prodhojë energji me qëllim ruajtjen e rezervave ujore të cilat pësuan rënie historike për shkak të thatësirës dhe prodhimit të energjisë duke ulur ndjeshëm nivelin e ujit.

Reshjet e tre ditëve të fundit, kanë ndikuar në përmirësimin e situatës hidrike në liqenin e Fierzës, ndërkohë që pritet të rriten në ditët në vijim. Prurjet e lumenjve që furnizojnë me ujë basenin ujëmbledhës më të madh në vend, aktualisht kanë arritur 800 metër kub në sekondë. Kuota aktuale e liqenit është 263.04 metra nga 296 metra që është kufiri maksimal i lejuar dhe prurjet janë optimale.

Kështu, krahasuar me 6 ditë më parë, niveli i ujit në Fierzë, është rritur me 4 metra. Me 28 mars niveli i liqenit të Fierzës, ishte 259.53 m ndërsa prurjet 100 metër kub në sekondë. Përkundër sasisë së reshjeve të ditëve të fundit hidrocentrali i Fierzës, vijon të mos prodhojë energji me qëllim ruajtjen e rezervave ujore të cilat pësuan rënie historike për shkak të thatësirës dhe prodhimit të energjisë duke ulur ndjeshëm nivelin e ujit në 257metra ( dt.21 mars 2022), niveli më i ulët në 20 vite.

Pika optimale në liqen është 271 metër, minimale 244 metra ndërsa ajo maksimale kur ka reshje të bollshme shkon në 296 metra. Në mesataret vjetore të matjes së nivelit të ujit në periudhën mars-qershor, uji ka qenë në kuotën e 276 metrave.

KESH informon se prurjet natyrore në kaskadën e lumit Drin janë:

HEC Fierzë 800 m3/s

HEC Koman 1075 m3/s

HEC Vau i Dejës 70 m3/s

Sipas njoftimit nivelet në liqenet e Kaskadës së Drinit janë:

Hec Fierzë 263.04 mmnd,

Hec Koman 170.67 mmnd,

Hec Vau Dejës 73.69 mmnd

KESH bën me dije se prodhimi ditor në të tre HEC-et është 8344 MWh (ditor) ndërsa Rezerva Energjetike në vend është 315 GWh.

 

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ola: 03/04/2022 01:09

    LUSIM zotin qe te na hedhe me shume shi.....se keto do na lene pa drita....

    Përgjigju
  • Drini: 02/04/2022 11:35

    I lumte Edi Rames dhe qeverise qe bene te mundur renien e shiut. Ama kush vjedh fukarane eshte legen.

    Përgjigju
  • Turi: 02/04/2022 11:20

    Po per 8 m me poshte po bejne namin keta sikur aty nuk ka uje fare ? Kush e di sa shesin keta ustallaret dhe nuk meret vesh te ku vend

    Përgjigju
    • Arben: 02/04/2022 13:07

      Po ti Turi ke të drejt mbase, po këto lajme te kafeneja e fshatit i dëgjove?

  • Sondazhi i ditës:

    A besoni se do realizohet vota e diasporës për zgjedhjet e ardhshme?

Lajme të tjera



×

Lajmi i fundit

VIDEOLAJM/ Aksident te mbikalimi i Shkozës, furgoni përmbyset në mes të rrugës

VIDEOLAJM/ Aksident te mbikalimi i Shkozës, furgoni përmbyset në mes të rrugës

3 Maj, 13:13