POP 5

Lajmet më të lexuara të 5 minutave të fundit

Kronikë

Reshjet vazhdojnë në Shkodër,
masa për familjet e përmbytura

Në fshatrat e Bashkisë së Shkodrës, reshjet kanë qenë problematike dhe kanë shkaktuar dëme.
Reshjet intensive të ditëve të fundit kanë sjellë përmbytje në zona të ndryshme të vendit. Këto përkmbytje kanë shkaktuar dëme në shtëpitë dhe pasuritë e buanorëve, pasi shumica prej tyre kanë si burim prodhimi për të çuar jetën, pikërisht tokat. Ka pasur gjithashtu edhe rreshqitje dherash. Në fshatrat e Bashkisë së Shkodrës, reshjet kanë qenë problematike dhe kanë shkaktuar dëme. Për këtë arsye, janë marrë masa për familjet që kanë qenë vitima të përmbytjeve. Më poshtë, paraqitet gjendja aktuale e njesive administrative në Bashkinë Shkodër.

Situata në territorin e Bashkisë së Shkodrës paraqitet si me poshtë :
Reshjet e shiut vazhdojnë në të gjithë territorin e Bashkisë Shkodër. Pas inspektimeve në terren të bëra nga Bashkia Shkodër, në Njësitë Administrative të përmbytura situata e përmbytjeve vazhdon të jetë në përkeqësim të vazhdueshëm dhe sipërfaqja totale ka arritur mbi 2050 Ha. Në detaje paraqitet si më poshtë:

Njësia Administrative Dajç:
Deri në këto momente, janë mbi 560 ha tokë e përmbytur në Njësinë Administrative të Dajçit: Fshati Mushan (kënetë dhe argjinaturë) 200 ha, fshati Shirq 200 ha, fshati Suka-Dajç (kënetë) 60 ha, fshati Dajç (kënetë) 60 ha, fshati Darragjat 40 ha. Niveli i ujit ka pësuar rritje dhe ka tendencë rritjeje në mënyrë të vazhdueshme.Kalimi bëhet i mundur me mjete të larta. Nga përmbytjet janë dëmtuar kultura të dyta foragjere, jonxhe, bimë dekorative dhe të tjera si më poshtë: 
Sipërfaqja e përmbytur e mbjellë me kultura bujqësore është si më poshtë:
1. Foraxhere dhe jonxhe 245 Ha;
2. Bime dekorative 5 ha;
3. E pakultivuar 310 ha;
Në lagjen Zadrimë, në fshatin Shirq janë të bllokuara nga uji 17 familje dhe në fshatin Mushan 4 familje. Kërkohet të ndërhyhet për lartësimin e argjinaturës së Pentarit afërsisht në 300 m gjatësi. 

Njësia Administrative Ana e Malit:
Në Njësinë Administrative Ana e Malit, situata vijon të jetë e përkeqësuar dhe paraqitet më e rënduar.Në Obot kalimi bëhet i mundur vetëm me varka. Niveli i ujit ka pësuar rritje dhe ka tendencë rritjeje në mënyrë të vazhdueshme. Mbi 1200 ha tokë janë të përmbytura: Fshati Muriqan 420 ha, fshati Oblikë 580 ha, fshati Obot 200 ha. Nga sipërfaqja e mësipërme, sipërfaqja e mbjellë me kultura bujqësore vlerësohet në 890 Ha , të shpërndara si më poshtë:
1. Jonxhe 713 Ha
2. Kultura të dyta foragjere 139 Ha
3. Grurë 5 Ha
4. Sera 3 Ha
5. Bimë dekorative 20 Ha
6. Vreshtë 1 Ha
7. Ullishte 2 Ha
8. Agrume 1Ha 
9. Tunele 1
10. Pemëtore 3
11. Perime 2
12. E pakultivuar 310 Ha
Në njësinë administrative Ana e Malit Ujësjellsi Oblika1, si pasojë e përmbytjeve, është jashtë funksionit. Bashkia Shkodër me anë të dy mjeteve autobotë ka bërë dhe po bën furnizimin e banorëve me ujë të pijshëm.

Njësia Administrative Bërdicë:
Në njësinë administrative Bërdicë janë mbi 170 ha tokë e përmbytur e ndarë sipas fshatrave si më poshtë:
1. Fshati Trush 70 ha
2. Fshati Bërdicë e Madhe 50 ha
3. Fshati Bërdicë e Sipërme 50 ha

Niveli i ujit ka pësuar rritje dhe ka tendencë rritjeje në mënyrë të vazhdueshme. 
Nga përmbytjet janë dëmtuar kultura të dyta foragjere, jonxhe, dhe të tjera si më poshtë: 
1. Jonxhe dhe foragjere 90 Ha
2. E pakultivuar 80 Ha

Njësia Administrative Rrethina:
Në njësinë administrative Rrethina janë të përmbytura 120 Ha tokë e ndarë sipas fshatrave si më poshtë. Në fshatin Zues janë të përmbytura 70 Ha tokë nga të cilat 10 Ha ndodhen poshtë fshatit Zues dhe 60 Ha tokë e këtij fshati në fushën e Oblikës. Nga këto janë Jonxhe+foragjere 40 Ha.
Edhe në zonën e Livadheve janë të përmbytura 50 ha. Ndodhen 6 shtëpi me prezencë uji rreth tyre. Niveli i ujit ka pësuar rritje dhe ka tendencë rritjeje në mënyrë të vazhdueshme. 

Njësia Administrative Guri i Zi:
Në njësinë administrative Gur i Zi konstatohet fenomeni i erozionit në tokat bujqësore.Vazhdon gërryerja e tokës në fshatin Juban, në afërsi të Malit të Vukatanës. 
Specialistët tanë janë në terren, dhe po bëjnë vlerësimet e dëmeve të shkaktuara.

Nevojat për bazë ushqimore për blegtorinë për zonat e përmbytura janë:
1. Koncentrat 10 t
2. Bar i thatë 10 t

Nga ana tjetër, duhet të merren masa për furnizim me klor për dizefektim për zonat e përmbytura pas tërheqjes së ujit. 

Bashkia Shkodër ka bërë një shkresë publike drejtuar Ministrisë së Mbrojtjes ku ka kërkuar shpalljen e gjendjes së emergjencës civile në këto njësi pasi rrezikohet rëndë shëndeti dhe jeta e popullatës, gjësë së gjallë, pasurisë e mjedisit. Edhe pse jo kërkesë është përsëritur disa herë, akoma Bashkia Shkodër nuk ka një përgjigje zyrtare.  Insistojmë në kërkesën tonë të vazhdueshme për shpalljen e emergjencës civile në një pjesë tëterritorit të Bashkisë së Shkodrës pasi situata e krijuar është rezultat i shkarkimeve të mëdha në sasi dhe për një kohë të gjatë në kaskadën e lumit Drin. 

Bashkia Shkodër është e angazhuar në monitorimin dhe përgjigjen ndaj nevojave emergjente të banorëve. Ajo ka kërkuar shpallje të emergjencave.

Institucionit të Prefektit pas inspektimeve në terren paraqet se sipërfaqja e përmbytur është mbi 1545 Ha. E ndarë sipas njësive paraqitet si më poshtë: 
Deri në këto momente, janë mbi 390 ha tokë e përmbytur në Njësinë Administrative të Dajçit : Ne fshatin Shirq 140 ha, nga këto 40 ha foragjere, 5 ha bime decorative. Mushan 160 ha nga këto 50 ha foragjere. Sukaj 30 ha, nga këto 5 ha foragjere dhe Dajçi 60 ha nga këto livadh 60 ha.
NJA Ana e Malit, 950ha, ne fshatin Obot 240 ha, Oblike 310 ha, Muriqan 400 ha. (Jonxhë 370 ha, foragjere 180, livadh 392 ha , sera 2 ha, vreshtë 1 ha, bimë dekorative 5.2 ha)

Në njësinë administrative Bërdicë janë mbi 70 ha Ne fshatin Trush 50 ha, nga këto 20 ha jonxhe dhe 30 ha livadh. Berdicë e Madhe 20 ha, nga këto dhe 20 livadh,
Nga ana e Institucionit të Prefektit do të vazhdojë të monitorohet edhe faza e vlerësimit dhe do të bashkëpunohet intensivisht me strukturat e bashkive Drejtorinë Rajonale të Kullimi, DBU, për ndjekjen sistematike të vlerësimeve dhe dërgimin e tyre pranë strukturave përkatese.

d.gj/ Shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Procesi/ Presidenti dhe kriminel i dënuar, vendimi historik ndaj Trump për rastin e yllit porno

Procesi/ Presidenti dhe kriminel i dënuar, vendimi historik ndaj Trump për rastin e yllit porno

11 Janar, 08:26 nga Massimo Basile