Revani klumështore e Çamërisë nga zonja Albana

Revani klumështore

Përbërësit:

  • ½ kg miell
  • 1 gotë sheqer
  • 1 litër qumësht
  • 8 të verdha vezësh të freskëta
  • 1 filxhan vaj ulliri
  • 1 lugë sodë
  • 1 majë luge kripë
  • Pak gjalpë të tretur

Për shërbetin:

  • 2 kg sheqer
  • 1.5 litër ujë
  • 2 lgj lëng limoni
  • Fara karafili

Përgatitja:

Në një tenxhere vendosim qumështin të ziejë. Kur qumështi ka zier, shtojmë sheqerin duke e trazuar që të tretet plotësisht, pakëz kripë, më pas vajin e ullirit. Hedhim miellin, sodën pak e nga pak me kujdes që të mos na bëhet kokrra kokrra. Me dorën e majtë hedhim miellin me të djathtën e përziejmë shumë shpejt. E rrahim me lugë druri në zjarr të ulët derisa të bëhet një brumë i trashë. Kur arrin të bëhet si top dhe shkëputet nga ena e heqim nga zjarri dhe e hapim në tepsi të lyer me gjalpë. E lëmë të ftohet. Kur ftohet e mbledhim sërish. Ndërkohë në një tas rrahim 8 të verdha vezësh të freskëta. I përziejmë mirë. Masën e përftuar ja hedhim brumit që kemi përgatitur më parë. E ngjeshim përsëri derisa të mblidhet sërish si top. Lyejmë tepsinë me gjalpë. Do e mbledhim nga të katër anët me kujdes që të mos çahet. E ngjeshim mirë në tepsi. Pastaj e presim me thikë në formë bakllavaje por kujdes, thika duhet të futet deri në fund. E vendosim në furrë në temperaturën 180 gradë Celsius. Në një tenxhere të thellë hedhim sheqerin dhe ujin. E trazojmë mirë. Shtojmë karafil dhe e lëmë të ziejë 10 minuta nga momenti që ka arritur pikën e vlimit. Në fund hedhim 2 lugë gjelle lëng limoni. Shërbeti duhet lënë të ftohet. Revania duhet e vakët ndërsa shërbeti i ftohtë.

MC/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Gjykata e Apelit i jep vulën e PD-së Berishës, si e vlerësoni?



×

Lajmi i fundit

Duka në ‘Repolitix: Në 2025 PAA në zgjedhje, por ju unë si deputet

Duka në ‘Repolitix: Në 2025 PAA në zgjedhje, por ju unë si deputet