In Touch Weelky publikoi këtë javë lajmin se Mila Kunis dhe Ashton Kutcher i kishin dhënë fund lidhjes së tyre. Çifti nuk parapëlqen të reagojë, por kësaj radhe nuk ka mundur të mos e përgënjeshtrojë lajmin në mënyrën më origjinale të mundshme. Ata kanë realizuar një video në makinë, teksa Mila shikon screenshotin e kopertinës së revistës në telefon. Biseda ironike dhe njëkohësisht gazmore vijon si më poshtë.
“Zemër çfarë po ndodh?” –pyet Ashton, ndërsa Mila duke i treguar artikullin, ia kthen: “Është për ne.”
“Është për ne? Oh Zot, çfarë do bëjmë?”
“Unë ndihesha e mbytur”, -vazhdon ajo duke iu referuar rreshtave të shkruara në artikull.
“Ndiheshe e mbytur nga unë? Unë isha autoritar, apo jo?”
“Gjithashtu, unë mora fëmijët.”
“Oh, ti more fëmijët? Fëmijët nuk janë më me mua?”
“Epo, ti kishe një sekret të errët!”
“Çfarë është ky sekret i errët?”
“Nuk e di! Kam vetëm këtë foto”, -shprehet Mila duke treguar telefonin.
Në përshkrimin e videos, Ashton shkruan: “Mendoj se ka marrë fund. @intouchweekly argëtohu duke shitur revista këtë javë. Ndoshta javën tjetër bashkëshortja ime do të lindë binjakë. Për herë të tretë.
Komente
