‘Revolucion’ kundër Lituanisë, kombëtarja do fitore! Reja pritet të bëjë 4-5 ndryshime në formacion (VIDEO)

TIRANË- Me shumë ndryshime në formacion pritet që ta përballojë Kombëtarja  ndeshjen e sotme kundër Lituanisë. Kuqezinjtë zbresin në fushë duke nisur nga ora 20:45 në “Air Albania” në ndeshjen e dytë të Ligës së Kombeve pasi të parën e fituan ndaj Bjellorusisë 2-0.

Në konferencë tekniku Edoardo Reja ka kërkuar kujdes pasi ia ka frikën kundërshtarëve dhe ka paralajmëruar revolucion në njëmbëdhjetëshen titullare. 4 ose 5 do të jenë ndryshimet krahasuar më ndeshjen e së premtes. Ata që e kanë vendin e sigurtë dhe që do të mbrojnë edhe për këtë ndeshje ngjyrat kuqezi janë Strakosha, Dermaku, Gjimshiti, Gjasula, Hysaj dhe Trashi.

Ndërkaq pritet ta nisin si titullarë Mihaj në mbrojtje. Qazim Laçi e Endri Çekiçi në mesfushë që do të zëvendësojnë Abrashin dhe Baren që konsumuan shumë energji në Minsk. Edhe dyshja e sulmit pritet të jetë fringo e re me Sadikun dhe Armando Brojën. Me Lituanë Kombëtarja është ndeshur katër herë ku dy duele i ka fituar dhe po kaq ka humbur.

Kapiteni Elseid Hysaj ndihet mirë në rolin e ri dhe kërkon gol. Ekipi luan vetëm për fitore për të siguruar vendin e parë në grup dhe për të marrë gëzimin e parë në impiantin e ri “ Air Albania”. Drejtësi do të vendosin arbitra nga Ukraina.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Policia ndaloi protestën e Berishës në Bulevard, si e vlerësoni vendimin?



×

Lajmi i fundit

VIDEO/ Polonia arkivon tri pikët, Lewandowski shënon golin e parë në një Kupë Bote! Gafë e mbrojtjes

VIDEO/ Polonia arkivon tri pikët, Lewandowski shënon golin e parë në një Kupë Bote! Gafë e mbrojtjes