POP 5

Lajmet më të lexuara të 5 minutave të fundit

Sociale

Rezervuari i Kurjanit në Roskovec po thahet, niveli i ujit në pikën kritike, 5 mijë hektarë tokë pa vaditje

Qindra fermerë të zonës së Roskovecit dhe Fierit nuk do të kenë ujë për vaditje këtë sezon për shkak të tharjes së rezervuarit. Kryetarja e Bashkisë së Roskovecit kërkon nga Ministria e Bujqësisë të ndërtojë Stacionin e Pompimit në Matkë, për furnizimin me ujë të rezervuarit të Kurjanit. 

Mungesa e reshjeve ka çuar në tharjen e rezervuarit të Kurjanit, i cili shërben për vaditjen e 5 mijë hektarëve toke bujqësore në fshatrat e Roskovecit dhe Fierit. Është rezervuari më i madh në zonë me sipërfaqe 350 hektarë dhe kapacitet mbajtës 32 milion metra kub ujë.

Pamjet e Report Tv tregojnë qartë, rënien e nivelit të ujit dhe ngordhjen e peshqve në cekëtinën e rezervuarit.

Fermerët mund të dështojnë me mbjelljet e pranverës, nëse nuk merren masa të menjehershme.

“Kjo situatë s’ka ndodhur më parë. Kërkohet ndërhyrje e menjëhershme pasi rrezikon bujqësinë”, tha fermer Pëllumb Toro, duke shtuar se "gjithe fermerët e kësaj zone, duke filluar nga Goricani deri në urën e Mbrostarit në Fier përdorin këtë rezervuar për vaditje”.

Problematika pranohet nga zyrtari i Bashkisë së Roskovecit, Viktor Kola i cili tha se rezervuari i Kurjanit është në pikën kritike për shkak të mungesës së reshjeve por mund të gjendet një zgjidhje mekanike, të cilën e ka në dorë Ministria e Bujqësisë. 

“E vetmja zgjidhje urgjente qe duhet ndermarrë është ngritja mekanike nëpërmjet stacionit të pompimit të Matkës siç ka qenë e projektuar me para . Kjo kërkon një investim madhor, i cili duhet mbuluar nga ministria e Bujqësisë. Ne si institucion e kemi ngritur zërin dhe kemi bërë kërkesë per investim. Jemi në pritje të marjes së konfirmimit”.

Edhe Kryetarja e Bashkisë së Roskovecit, Majlinda Bufi, e kontaktuar me telefon tha se Ministria e Bujqësisë duhet të financojë ndërtimin e Stacionit të Pompimit për furnizimin me ujë të rezervuarit të Kurjanit.

B.K//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Protesta e Berishës, Faik Basha i PL-së e pranon: Nuk kishim shumë njerëz edhe prej motit! Haklaj: Mosbindja civile, teatër! PD bllokoi rrugët, vepër penale

Protesta e Berishës, Faik Basha i PL-së e pranon: Nuk kishim shumë njerëz edhe prej motit! Haklaj: Mosbindja civile, teatër! PD bllokoi rrugët, vepër penale

25 Dhjetor, 17:47