Pas ndërprerjes për shkak të sezonit turistik, Inspektoriati Kombëtar i Mbrojtjes së Territorit dhe Policia e Shtetit, kanë nisur sot operacionin “Bregdeti Ynë” për shembjen e objekteve pa leje. Në një reagim të shkurtër, ministri i Brendshëm, Bledi Çuçi, thotë se si fillim do të shemben dy objekte në Dhërmi dhe më pas operacioni do të vijojë përgjatë bregdetit dhe në zona të tjera të vendit.
“Rifillojmë sot operacionin “Bregdeti Ynë” për shembjen e objekteve pa leje apo në tejkalim flagrant të lejes së ndërtimit. Ndërprerja ishte e përkohshme për të mos penguar sezonin turistik. Si fillim do të shemben dy objekte në Dhërmi për të vijuar më pas në të gjithë vijën bregdetare dhe në çdo zonë tjetër të Shqipërisë ku është ndërtuar pa leje. E kam thënë edhe më herët dhe po e përsëris, ky nuk është thjesht dhe vetëm një aksion, por një punë e vazhdueshme e IKMT-së dhe Policisë së Shtetit për kontrollin e çdo metër katror të territorit. Gjej shesh të lirë, zapto e ndërto pa leje, të mos e mendojë më askush”, shprehet Çuçi.
Në fazën e parë të operacionit “Bregdeti Ynë” që nisi në muajin qershor u shembën mbi 130 ndërtime pa leje, u vendosën rreth 132 milionë lekë gjoba për 86 subjekte, si dhe u arrestuan e u ndoqën penalisht dhjetra persona. Pas ndryshimeve të fundit në Kodin Penal, është ashpërsuar ndëshkimi për ata që ndërtojnë pa leje. Për herë të parë ligji parashikon penalitete jo thjesht për subjektin, por për të gjithë zinxhirin ndërtimor. Përsa i përket kontrollit dhe mbrojtjes së territorit Shqipëria pritet të hyjë në një fazë të re përmes përdorimit të dronëve super-inteligjentë dhe pajisjeve të tjera të teknologjisë së lartë.
Pas ndërprerje spër shkak të sezonit turistik, nisi sot operacioni 'Bregdeti ynë", ndërsa në Dhërmi IKMT shembi me shpërthim të kontrolluar një objekt 5 katësh. Objekti u shemb rreth orës 15:00, ndërsa iu vendosën 18 kg lëndë plasëse. Pronarët e objektit kundërshtuan shembjen, ndërsa pati edhe disa momente konflikti, por situata u normalizua me nga Policia.
I pranishëm në Dhërmi, ku rifilloi operacioni 'Bregdeti ynë' për shembjen e ndërtimeve pa leje në bregdet, zv.ministri i Brendshëm Julian Hodaj, theksoi se nuk do të tolerohet askush që ka zaptuar territorin pa leje. Ai theksoi se operacioni do të shtrihet në të gjithë vendin dhe se ndo të ndëshkohen edhe ata zyrtarë që do të mbyllin sytë përballë paligjshmërisë.
"Rifillon nga Dhërmiu operacioi Bregdeti ynë. Angazhim maksimal i qeverisë për të luftuar paligjshmërinë në territor. Kushdo duhet të harrojë nëse e gënjen mendja që mund të zaptojë një metër katrorë territor publik. Bregdeti është pasuri e të gjithë shqiptarëve dhe do të shfrytëzohet si e tillë. Askush nuk do lejohet apo tolerohet të abuzojë. Operacioni rifillo në bregdet dhe do të vijojë edhe në zonat e tjera. Nuk do tolerohet askush që ndërton pa leje dhe asnjë zyrtar që mbyll sytë përballë paligjshmërisë", tha Hodaj.
Lajme të tjera
-
Gjipe/ Po ndërtonin 4 beach bar-e pa leje, arrestohet një person, në kërkim 3 të tjerë
25 Prill, 16:24 -
I gëzohet amnistisë vetëm pak orë, Sokol Sinomati i njohur si 'Buzëderri' la qelinë në Fushë-Krujë dhe u arrestua sapo u fut në Vlorë
25 Prill, 12:23
-
Amnistia penale/ EMRAT e të dënuarve që u liruan nga burgu i Vlorës
25 Prill, 11:33
-
Delvinë/ Autobusi dhe një furgon digjen gjatë natës, shkrumbohen nga flakët
25 Prill, 11:06 -
Meta në Vlorë: ‘Nëndetësja 105’ është kthyer në bazë, Sazani do jetë aty ka qenë jetë e mot
24 Prill, 14:56 -
Basketboll femra/ Tirana mund Flamurtarin në finalen e parë
24 Prill, 12:12 -
Vlorë, 20 të dënuar lirohen sot nga burgu i Vlorës, 5 përfitojnë ulje
24 Prill, 10:19 -
Vlorë/ Shtyu amerikanen nga shkallët, nis hetimi për turisten gjermane
23 Prill, 15:36 -
Emigrantë në Vlorë, indianët: Punojmë prej dy vitesh në fabrikë, të kënaqur me punën, na mungojnë familjarët
23 Prill, 15:19
-
Shembet rruga ngjitur me pallatin në ndërtim, izolohen banorët e lagjes ‘Qazim Demi’ në Sarandë (VIDEO)
23 Prill, 12:14 -
Sarandë/ Vuante nga probleme të shëndetit mendor, turistja gjermane rrëzon amerikanen nga shkallët në Lukovë
22 Prill, 15:19 -
Fredi Beleri kandidat për eurodeputet, Vangjel Tavo: Çështje që i takon Greqisë! Mitsotakis në vështirësi, do votat e ekstremistëve të djathtë
22 Prill, 12:15
