Gjatë periudhës së festave artistët dhe jo vetëm bëhen më bujarë se zakonisht. Kjo ka ndodhur edhe me këngëtaren nga ishujt Barbados Rihanna, e cila ka dhuruar 1.75 milion dollarë një spitali në Barbados, duke përkujtuar edhe gjyshen e saj që ndërroi jetë në qershor të këtij viti.

“Kjo ishte mënyra ime për t’ia kthyer borxhin Barbadosit, në mënyrë që të modernizojë programet e veta.

Mendoj se do të ketë ndikim te njerëzit atje. E gjithë kjo bëhet për të ruajtur jetët e njerëzve ose së paku për t’i zgjatur ato”,-është shprehur Rihanna.

Gjithashtu këngëtarja e sukseshme ka vijuar edhe me koncerte të ndryshme në botë.

(xh.k/shqiptarja.com)