Rikthehet dhuna në futbollin shqiptar, goditet me grusht trajneri i Labërisë! Arrestohet babai i futbollistit

Rikthehet dhuna në futbollin shqiptar, goditet me grusht trajneri i Labërisë! Arrestohet babai i futbollistit

Dritan Resuli

Trajneri i Labërisë, Dritan Resuli është goditur dje me grusht në ambientet e kompleksit sportiv "Labëria" në Vlorë. Policia e shtetit njofton se për këtë ngjarje është vendosur në pranga një person me iniciale A.A. pasi për motive të dobëta ka goditur me grusht trajnerin. Resuli nuk ka qenë në pankinë për shkak të dënimit nga Disiplina, teksa mësohet se agresori është një prej prindërve të futbollistëve të Labërisë, i pa aktivizuar në këtë takim. Dyshohet se prindi i lojtarit i ka kërkuar llogari trajnerit për mosaktivizimin në ndeshjen e djeshme dhe më pas e ka goditur me grusht.

"Specialistët për Hetimin e Krimeve të Komisariatit të Policisë Vlorë arrestuan në flagrancë shtetasin A. A., 56 vjeç, banues në Vlorë, për veprën penale “Goditja e sportistit, trajnerit, ndërmjetësit sportiv”, pasi ditën e djeshme, në kompleksin sportiv “Labëria”, për motive të dobëta, dyshohet se ka goditur me grusht, trajnerin e ekipit sportiv “Labëria”, shtetasin D. R., 46 vjeç, banues në Vlorë", njofton policia.

Për javën e 19-të të Kategorisë së Dytë në futboll, Labëria fitoi 3-0 me Luftëtarin duke marrë tri pikë të rëndësishme në garën për zonën e promovimit në grupin B. Edhe këtë javë dhuna në kategoritë inferiore në Shqipëri nuk mund të mungonte, me një tifoz që është bërë protagonist.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Policia plan masash kundër kultivimit të kanabisit, kontrolle në gjithë territorin! Nga maji, Guardia di Finanza me monitorim nga ajri

Policia plan masash kundër kultivimit të kanabisit, kontrolle në gjithë territorin! Nga maji, Guardia di Finanza me monitorim nga ajri