Rikthehet pas 29 vitesh superfinalja, sonte Itali-Argjentinë! Chiellini përshëndetet me kombëtaren, pas 90 minuta ndeshja shkon me penallti

Në ‘Wembley’ të Londrës do të luhet sonte Superfinalja ose siç njihet ndryshe finalja e madhe, që përplas fituesen e Europianit dhe Kupës së Amerikës së Jugut që në këtë rast janë Italia dhe Argjentina. Një trofe që rikthehet pas shumë vitesh, i fundit në vitin 1993 kur Argjentina mposhti me penallti Danimarkën, ndërsa më herët ishte organizuar vetëm një herë me Francën që në vitin 1985 fitoi 2-0 kundër Uruguajit.

Finalja e tretë, që luhet sonte në orën 20:45, rikthen Italinë në ‘Ëembley’, aty ku 11 muaj më parë u shpall kampione Europe, ndërsa tashmë situata është krejt ndryshe, pasi ‘axurrët’ u eliminuan në kualifikuese duke humbur botërorin. Sipas trajnerit Mancini kjo ndeshja do mbylli një kapitull të kombëtares, pasi më pas do provohen lojtarë të rinj. Tashmë siç dihet janë 90 minutat e fundit për Chiellini-n, i cili largohet pas 18 vitesh, ndërsa për shkaqe dëmtimi janë të padisponueshëm Chiesa, Immobile, Berardi dhe Verrati.

Trofeu i Superfinalës peshon 8.5 kilogramë dhe është një ndërthurje e Kupës Libertadore në Amerikën e Jugut dhe UEFA-s. Gjithashtu është e ngjashme me trofeun e parë të vitit 1985, ndërsa rregulli specifik është që nuk ka shtesë. Nëse 90 minutat Itali-Argjentinë përfundon në barazim atëherë fituesi zgjidhet me penallti.

Ndërkohë te Argjentina grupi është i plotë dhe trajneri Scaloni do ta nisë në sulm me Messi-n, Martinez dhe Di Maria-n. Në këtë ndeshje ndër të tjera do ketë nderime për Diego Armando Maradonën, ish-futbollistin legjendar që zhvilloi karrierën në këto dy vende.

Ne.k./Sh.Sh/Shqiptarja.com

TAG:
• superfinalja
• itali
• Argjentina
• uefa