Ekspozita "Vizion Kufijsh". Artistët shqiptarë në Akademitë Italiane në gjysmën e parë të shekullit të XX", që do të përurohet këtë javë pranë Rezidencës së Italisë, përmbledh disa vepra të rëndësishme të përzgjedhura nga piktorë shqiptarë të cilët në rininë e tyre studiuan në akademitë italiane: janë piktorë që zënë një vend të rëndësishëm në pikturën shqiptare të shekullit të nëntëmbëdhjetë, shumë prej veprave të të cilëve u ekspozuan në muzetë më prestigjioze të Vendit.
Kjo ekspozitë së pari është një nderim për talentin artistik dhe forcën morale të njerëzve të cilët, të izoluar në Shqipërinë e Enver Hoxhës, u detyruan të bënin një zgjedhje ekstreme midis heqjes së lirisë së shprehjes dhe mërgimit. Ashtu siç shkruan në katalog Ylli Drishti, vetëm një pjesë e vogël zgjodhi arratisjen për të zhvilluar karrierën artistike dhe jetën në Itali. Shumica qëndroi, luftoi me sukses për të qenë në gjendje të shprehte veten pavarësisht kufizimeve ideologjike të imponuara nga regjimi. Të dyja palët bënë një zgjedhje të guximshme.
Piktura të artistëve shqiptarë që studiuan në Itali
Gjuha artistike, kultura, peizazhet italiane të mbledhura nga penelatat e piktorëve të ekspozuar në këtë ekspozitë nuk humbën gjatë kthimit në Shqipëri, ndonëse regjimi vendosi kufizime të rënda ndaj shprehjes artistike. Ekspozimi i këtyre veprave në Rezidencën e Italisë në Tiranë është pra një vlerësim pas vdekjes së guximit të tyre, si dhe të kontributit që ka dhënë përvoja e tyre njerëzore dhe artistike, në vitet kur një perde e hekurt ndau dy brigjet e Adriatikut , për të zbuluar nëpërmjet saj një fill, një lidhje të butë që në atë kohë nuk mund të spikaste haptazi, por që sot mund ta çmojmë qartësisht.
Ekspozita është pjesë e një projektit më të gjerë që Ambasada Italiane në Tiranë po kryen për rindërtimin e atyre lidhjeve midis Italisë dhe Shqipërisë që - gjatë viteve të Luftës së Ftohtë - dukeshin të ngrira, por që në realitet ishin ftohur nga një imponim i jashtëm që megjithatë nuk arriti të thyente afërsinë shumë të ngushtë kulturore midis dy Vendeve tona. Ideja që secila prej pikturave të ekspozuara në Rezidencë përmbledh përvojën dhe intimitetin e artistëve të formuar në Itali, besoj të jetë një kontribut i mëtejshëm në rindërtimin e historisë dhe kulturës sonë të përbashkët.
Ekspozita e çelur nga ambasada italiane në Tiranë
Së fundi, kjo ekspozitë është një kthim i dyfishtë në shtëpi për ata të cilët, pasi u kthyen nga Italia, dhanë mësim për shumë vite në liceun artistik Jordan Misja, pikërisht përballë Rezidencës së Italisë, ndërtesë që sot strehon disa nga pikturat e tyre dhe që përfaqëson një copë të vogël të atij Vendi ku atyre nuk u lejua kurrë të ktheheshin, por që për disa javë i mirëpret.
Dëshiroj të falënderoj Artan Shabanin, drejtorin dhe frymëzuesin e projektit artistik, Ylli Drishtin, autorin e teksteve dhe koleksionistët privatë që me bujari kanë vënë në dispozicion veprat. Vepra që kam kënaqësinë t’ia tregoj publikut që do të ketë dëshirë t’i shohë ne Rezidencë si dhe studentëve që do të priten gjatë vizitave të organizuara.
*Ambasadori i Italisë në Tiranë
Lajme të tjera
-
Gjergj Luca i dedikon këngë Giorgia Melonit për Krishtlindje: Kur dolëm nga ferri, Italia na priti duar hapur
23 Dhjetor, 20:52 -
Marrëveshja me Shqipërinë për migrantët, Meloni mbledh qeverinë: Zgjidhje e dakordësuar me BE-në
23 Dhjetor, 17:12 -
Të dënuar për trafik droge, prostitucion e falsifikim dokumentash! Ekstradohen 4 shqiptarë në Itali, dy të tjerë sillen në Shqipëri
23 Dhjetor, 13:55 -
Itali/ Babagjyshët me gondola garojnë në kanalin e madh në Venecia
23 Dhjetor, 13:42 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01 -
Roberto Mancini mbetet i papunë: Askush nuk më ka kontaktuar
23 Dhjetor, 11:23 -
Shatërvani i Trevit në Romë rihapet pas punimeve, monumenti do të kufizohet në 400 vizitorë, rregullat e reja për turistët
23 Dhjetor, 10:46 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
E reja italiane goditet 30 herë me thikë nga ish-i dashuri në vendin e saj të punës
22 Dhjetor, 17:53 -
Rreziku nga ‘ujku i vetmuar’! Italia përforcon masat e sigurisë pas sulmit në Magdeburg
21 Dhjetor, 21:48 -
Itali/ Do trafikonin 2 kg kokainë, arrestohen shqiptari dhe italiani! U sekuestrohen edhe hashash e valutë
21 Dhjetor, 21:42 -
Itali/ Trafik kokaine nëpërmjet ‘WatsApp’, kapet në ndjekje 23-vjeçari shqiptar! I sekuestrohen armë dhe euro cash
21 Dhjetor, 19:39
