Për rimbursimin e barnave për periudhën Prill-Nëntor 2015, vlera për farmacitë rajonale ka qënë 478 milionë lekë më pak se e njëjta periudhë e një viti më parë. Sipas të dhënave nga drejtoritë rajonale, për vitin 2015 janë rimbursuar rreth 3.3 miliardë lekë barna në rrethe, ndërsa një vit më parë vlera ka qenë 3.8 miliardë lekë. Ulja e vlerës së rimbursimit të barnave mund të ketë si shkaktar faktin që në këtë periudhë ka patur mungesë të theksuar të medikamenteve të ndryshme në vend. Risia e vitit 2015 ishte rimbursimi i materialeve mjekësore, për të cilat ka patur kërkesa të vazhdueshme në Fond nga popullata në nevojë.