POP 5

Lajmet më të lexuara të 5 minutave të fundit

Politikë

Rindërtimi në Durrës, Sako: Është përzgjedhur firma për projektet e 120 pallateve! Nëse vlera e riparimeve shkon në 70% të kostos do shemben (VIDEO)

120 pallate në Durrës, që pësuan dëmet më të rënda nga tërmeti do ti nënshtrohen një ekspertize të re. Ky ka qenë një shqetësim i vazhdueshem, për të cilët banorët kanë protestuar. Kryebashkiakja Emirjona Sako deklaroi në një intervistë për Report Tv se ky vlerësim do të jetë përfundimtar dhe do të vendoset për shembje ose riparim të këtyre objekteve.

Kur ka kaluar më shumë se një vit nga tërmeti shkatërrimtar, pallatet në Durrës do ti nënshtrohen riinspektimit. Lajmi bëhet i ditur nga kryebashkiakja Emirjona Sako në një intervistë për Report Tv. Ajo deklaroi se është shpallur firma fituese që do të kryejë rivlerësimin e dëmeve për 120 pallate të shkallës DS4.

“Janë rreth 120 pallate në Durrës që do ti nënshtrohen kësaj procedure. Kemi marrë fondin kemi bërë përzgjedhjen e studios dhe ka filluar puna për hartimin e projekteve. Çdo objekt do të ketë projektin e detajuar preventimin e detajuar. Pas hartimit të këtyre projekteve do ti drejtohemi sërish institutit për të marrë sërish oponencën e objektit dhe lejes specifike dhe për të autorizuar këto punime që kanë parashikuar ekspertët do ti pajisim me leje. Ndërtimi dhe do kërkojmë fond në ministri e do fillojnë projektet”, tha Sako.

VIDEO/Intervista e plotë

Kryebashkiakja në detyrë e Durrësit theksoi se nëse  vlera e një pallati që do riparohet e është më shumë se 70 % e kostos së ndërtimit do të shembet për tu ndërtuar nga fillimi.

“Ky proces do të nxjerrë edhe objekte të cilat mund të shemben. Pra nëse ne do të kemi një kosto për riparimin e objektit mbi 70% të vlerës, atëherë objektet do të kalojnë për shembje dhe ne do të kërkojmë të rindërtohen në të njëtin truall ashtu siç kemi bërë dhe me 30 objekte të tjera që ndodhen në qytetin e Durrësit të cilat ja në miratuar për rindërtim në të njëjtin truall.

Është e rëndësishme të theksoj se ne kemi marrë fonde për 6 objekte të cilat kanë pasur ekspertizë të thelluar. Pas hartimit të preventivave  të detajuara kemi marrë fondin në dispozicion tani po kryejmë procedurën për zgjedhjen e firmës në mënyrë që të fillojë puna për 6 objetet e para”, shtoi kryebashkiakja.

Ndërsa ka nisur puna për riparimin e pallateve që kanë shkallë dëmi më të vogël, klasifikuar nga Ds1 deri në Ds3.

“Rreth 450 objekete kanë mbaruar punë në anbiente të brendshme dhe po punohet në ambiente të jashtme. Sepse kemi arritur që rreth 250 objekte janë dorëzuar dhe janë mbyllur tërësisht. Nga këto kemi bërë zbritjen e bonusit. Nga këto kemi 10 mijë familje që kanë marrë grantin, paralel kanë kryer ndërtimet e brendshme”, tha Sako.

Në Spitallë do të ndërtohet një lagje e re dhe do të banojnë të gjitha ato familje banesat e të cilave për arsye serioze është e pamumdur të ndërtohen aty ku gjendeshin më parë.

“Është një zonë përpara universitetit në qytetin e Durrësit aty kemi parashikuar se do të ndërtohen  990 banesa të përkthyera në 70 objekte. Objektet do jenë të ulëta. Nuk është konceptuar si një zonë vetëm me pallate por do kemi dhe shërbime dhe infrastrukturë”, tha ajo.

Sako thotë se në muajin dhjetor aplikuan për të përfituar bonusin e riparimit të banesave 5800 familje. Paratë do tu kalojnë së shpejti në llogaritë bankare sapo vendimi të merret në këshillin bashkiak.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Altin Dumani dhe 4 prokurorë të SPAK zbarkojnë në Brazil, Ambasada amerikane: Do çmontojnë bandat shqiptare të kokainës

Altin Dumani dhe 4 prokurorë të SPAK zbarkojnë në Brazil, Ambasada amerikane: Do çmontojnë bandat shqiptare të kokainës

5 Nëntor, 19:25