Rindërtimi, Rama në Thumanë: Lagje me standarde europiane! Ahmetaj: Punimet në fazë përfundimtare, shtëpitë individuale dhe pallatet, gati në fund të vitit

Qyteza e Thumanës në Bashkinë e Krujës, një nga zonat më të prekura nga tërmeti i 26 nëntorit, ka hyrë në fazën përfundimtare të procesit të Rindërtimit, si me shtëpitë individuale, ashtu edhe me banesat kolektive. 14 pallate dhe 156 shtëpi individuale pritet të jenë gati në fund të këtij viti për të gjithë banorët që humbën shtëpitë e tyre.

Kryeministri Rama u ndal në kantierin e Thumanës, për të parë nga afër ecurinë e procesit, bashkë me ministrin e Shtetit për Rindërtimin Arben Ahmetaj.

“Janë 156 njësi individuale që janë në fazën e fundit, qoftë në ambientet e brendshme, por dhe në ambientin e jashtëm. Ambienti i jashtëm do investohet nga Fondi Shqiptar i Zhvillimit, një lot i madh që do trajtojë të gjitha ambientet e jashtme që ka filluar të procesohet nga Fondi. Objektivi është që në 26 nëntor të këtij viti të jetë i përfunduar kantieri i shtëpive individuale. Ndërkohë janë 278 apartamente në 14 pallate. Gjithashtu, në krah të pallateve kemi edhe shkollën. Kati i parë i të gjitha pallateve është konceptuar si ambient për shërbime komunitare, edhe ekonomike, të hapura e me një lartësi të diferencuar nga apartamentet, nga kati i dytë e sipër”, u shpreh ministri Ahmetaj.

Përveç njësive të banimit, lagjja e re në Thumanë do të ketë edhe ambiente të gjelbra dhe terrene sportive për komunitetin, ku përfshihen fusha basketbolli, volejbolli dhe futbolli, të cilat do t’i shërbejnë edhe shkollës së re.

“Kjo është si një lagje në çdo qytet të Europës. Njësoj si lagjet me standarde europiane”, tha Rama.

J.SH./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Varianti afrikan mbërrin në Europë, a duhen ashpërsuar masat anti-Covid edhe në vendin tonë?



×

Lajmi i fundit

John

Çfarë është kultura?