POP 5

Lajmet më të lexuara të 5 minutave të fundit

Kronikë

Rindërtohen dy shtëpi në Zall Herr, Rama batuta me qytetarin: Mbaj gruan afër, se pa të je si shtëpia që të shembi tërmeti (VIDEO)

Rama tha se nga 10 023 familje që ishin në çadra në shkurt 2020 sot janë vetëm 865 familje, numri i të cilëve vijon të ulet çdo ditë, pasi po futen në banesat e tyre të reja.

Kryeministri Edi Rama ka qenë i pranishëm në dorëzimin e çelësave të dy shtëpive në Zall Herr të Tiranës, të cilat janë rindërtuar nga e para pasi u shembën nga tërmeti i 26 nëntorit 2019. Rama ishte i shoqëruar nga ministri i Rindërtimit, Arben Ahmetaj dhe kryebashkiaku i Tiranës, Erion Veliaj.

Rama tha se nga 10 023 familje që ishin në çadra në shkurt 2020 sot janë vetëm 865 familje, numri i të cilëve vijon të ulet çdo ditë, pasi po futen në banesat e tyre të reja. Rama tha se këto familje që janë ende në çadra marrin bonus qiraje, por zgjedhin të qëndrojnë pranë tokave të tyre të cilat i punojnë dhe kujdesen për gjënë  e gjallë.

“Shkurtin e kaluar ishin në çadra 10.023 familje sot janë 865 dhe pakësohen javë pas jave - ashtu si mijëra të tjerë që presin të kthehen në apartamentet e reja edhe këto 865 familje marrin çdo muaj bonusin e qerasë, por kanë zgjedhur të qëndrojnë pranë truallit të shtëpisë së prishur në fshat, për arsye të punës me tokën, të kujdesit për gjënë e gjallë apo thjesht për zgjedhjen e tyre”, tha Rama

Kryeministri tha se është i lumtur që shtëpitë u rindërtuan me kushte edhe më të mira nga sa ishin më parë., ndërsa nuk kurseu batutat me familjarët që morën çelësat e shtëpive të reja.

“Kënaqësi që mundëm të krijonim kushte shumë më të mira nga sa ishin më parë për familjet e prekura nga tërmeti. Gëzim gruan mbaje mirë se pa të je si shtëpia që të shembi tërmeti. Ata që i marrin të gjitha për një ditë, i humbin të gjitha për një natë”, tha Rama gjatë bashkëbisedimit me qytetarët.

Kryetari i Bashkisë së Tiranës, Erion Veliaj u shpreh se për të gjithë këta banorë në verë pritet të jetë gati edhe rruga e re. Ndërsa ministri Ahmetaj tha se deri në maj pritet të kenë përfunduar 1600 banesa individuale ndërkohë që me bllokun e dytë numri i banesave që do rindërtohen pritet të arrijë në 5500 njësi individuale. Aktualisht në Zall-Herr kanë përfunduar 52 shtëpi, ndërsa po ringrihen edhe 76 banesa të tjera, si dhe një lagje e re me 49 banesa kolektive për ata që humbën shtëpinë nga tërmeti i një viti më parë.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tani: 20/01/2021 07:33

    Ke te drejte o RAMA PO GRATE NE BURRAT JEMI TE MBARUAR....

    Përgjigju
  • fred: 19/01/2021 21:00

    ky esht i cmedur fare, te gjithe e dine qe ty te komandon gruaja sepse ka lidhje me sorosin, por jo te gjithe jan si ty o dhjeraman

    Përgjigju
  • Mento: 19/01/2021 19:39

    10 000 familje, kater persona ne tavoline = 40 000 birra!!! E ardhmja e Shqiperise larg mentalitetit otomano-sovjetik eshte e zymte. Eshte turp kur sot ne 2021 ende zyrtaret shkojne e gjoja vizitojne qytetaret per nderin e madh qe u kan bere. Dhe sigurisht duke nenkuptuar voten. Turp.

    Përgjigju
    • JamKushJam: 19/01/2021 20:17

      Mos u shqeteso o Meto, se do u sulet Mona me Lulin dhe do i shajne qe bejne propogande me ndertimin!!!!

  • Sondazhi i ditës:
    18 Nëntor, 08:54

    Besoni se buxheti 2025 do ndikojë pozitivisht në të ardhurat e qytetarëve?

Lajme të tjera



×

Lajmi i fundit

Tenis/ Sinner mposht Fritz dhe triumfon në finalet e ATP së Torinos

Tenis/ Sinner mposht Fritz dhe triumfon në finalet e ATP së Torinos

18 Nëntor, 10:08