POP 5

Lajmet më të lexuara të 5 minutave të fundit

Kronikë

Rinis vaksinimi me dozën e dytë Sinovac në Vlorë, epidemiologu Bashllari: Vonesa nuk sjell probleme! Qytetarët: S’kemi patur shqetësime nga doza e parë

Dy ditë pas mbërritjes së 60 mijë vaksinave kineze, ka rinisur procesi i vaksinimit me dozën e dytë Sinovac në qytetin e Vlorës ku numri i qytetarëve të interesuar ka qenë i lartë. Vetë kryeepidemiologu Agron Bashllari konfirmon se vonesa në kohë për marrjen e dozës së dytë të vaksinës nuk përbën asnjë shqetësim për shëndetin e qytetarëve

Pas mungesës disa ditore këtë të martë ka rinisur procesi i vaksinimit me dozën e dytë të vaksinës Sinovac në qytetin e Vlorës. Krahas aplikimit të dozës së 2 të sinovac, aktualisht në Pallatin e Sportit në Vlorë, kanë filluar dhe aplikimet e para të vaksinës ruse sputnik. Qytetarët tregojnë se ndihen të sigurtë dhe nuk kanë patur komplikacione nga marrja e dozës së parë.

 “Mua më mori në telefon, mjekja e lagjes e më tha që duhet të vesh ta bësh se të kanë kaluar ditët, sinovac”, u shpreh një i moshuar. 

“Kam ardhur për dozën e dytë Sinovac. Ka 3 ditë që më ka kaluar rradha. Nuk kam patur asnjë lloj problemi. Nuk ndiem dhibmje fare”, shprehet një qytetar tjetër.

“Kam një javë që më ka kaluar data. Po nuk kam patur asnjë shqetësim”, thotë një qytetar tjetër.

Vetë kryeepidemiologu Agron Bashllari konfirmon se vonesa e marrjes së dozës së dytë nuk sjell asnjë problem shëndetësor për qytetarët dhe se deri më tani nuk ka patur raste të refuzimit.  

 “Koha e ardhjes së vaksinës sinovac është brenda kushteve teknike, pra, afati i bërjes jo detyrimisht është 28 ditë. Praktikisht, vaksina po bëhet në afatin e duhur sikundër dhe vaksina tjetër Astra Zeneca që e presim  dhe ajo është brenda  të gjitha afateve të parashikuara, pra tekniksht deri në muajin e tretë. Njëkohësisht, kemi dhe një vaksinë tjetër që po aplikohet dhe ajo është vaksina ruse sputnik”, tha kryeepidemiologu Agron Bashllari.

Që prej nisjes së procesit të vaksinimit anti-Covid në Janar deri më sot janë aplikuar mbi 716 mijë vaksina të llojeve të ndryshme, ku prej tyre vetëm  në Vlorë, numri I vaksinave të kryera është 54 mijë e 500 .

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kjo Krishtlindje është ftesë për të përjetuar magjinë... Çfarë thonë yjet për ju sot

Kjo Krishtlindje është ftesë për të përjetuar magjinë... Çfarë thonë yjet për ju sot

25 Dhjetor, 07:26