Ristani: Anëtarëve të PD-së iu mohua e drejta për të votuar, procesi zgjedhor është në kufij të pavlefshmërisë absolute

Ish-sekretari i Përgjithshëm dhe kryetari i Komisionit të Apelimit brenda PD-së, Arben Ristani duke folur për përjashtimin nga e drejta për të votuar e mbi 28 mijë anëtarëve të PD-së për zgjedhjen e kryetarit të ri, tha se procesi është absolutisht i pavlefshëm.

Kjo pasi sipas Ristanit anëtarë të cilëve u është mohuar e drejta për të votuar, nuk kanë mundësi ankimimit, kjo pasi gjykata brenda partisë që shqyrton ankesat ka vetëm kryetarin.

'Kanë të drejtën kushtetuese që t'u jepet një vendim i arsyetuar se pse ty zotëri të mohohet e drejta për t'u zgjedhur çdo shkelje statutore i jep mundësinë çdo anëtari që të ankohen kundër shkeljes statutore. Është një komision që merr përsipër të gjykojë ankesat për shkeljet satutore. Është kompetencë e Gjykatës së partisë. Por çfarë ndodh, gjykata ka vetëm anëtari dhe nuk anëtarët. Nuk realizon dot shqyrtimin e ankimeve. Mohon të drejtën për t'u zgjedhur dhe për të zgjedhur. Të heq të drejtën e ankimit, rrjedhimisht një proces që është në kufij të pavlefshmërisë absolute. Për mua është absolutisht i pavlefshëm.'- tha Ristani.

LEXO EDHE:
Punimet për ndërtimin e Unazës së Madhe të Tiranë, pamjet me dron! Rama: Krijon akses me çdo portë hyrëse dhe dalëse në kryeqytet

Lajmi kryesor:

Zgjedhjet në PD/ Harxhi: U votua me foton e Bashës në mur si në kohën e diktatorit! Ristani: PD, jashtë shtratit ligjor! Imami: Lista të fshehta kanë vetëm organizatat terroriste

M.Q./r.k./Shqiptarja.com

TAG:
• Tirane
• zgjedhjet ne pd
• edit harxhi
• Lufta brenda PD
• grupi Per PD