Sipas tij kryeministri nuk ka vullnet për të zhvilluar zgjedhje të lira e të ndershme e për këtë arsye së pari duhet ngritur qeveri teknike për të shkuar më pas në zgjedhje.
“E vetmja mënyrë është që ne të shkojmë në zgjedhje të parakohshme me një qeveri teknike. Kjo për të përgatitur zgjedhje të lira e të ndershme, pasi zgjedhje të lira e të ndershme me këtë qeveri e me Ramën nga shembujt që kanë ndodhur edhe në zgjedhjet e kaluara kanë treguar se ai nuk do dhe nuk është i dëshiruar të bëjë zgjedhje të lira e të ndershme” tha ai.
Për zgjidhjen që foli një ditë më parë ish kryeministri Berisha, Arben Ristani tha se revolucioni qytetar është një nevojë e pashmangshme për largimin e qeverisë.
“Është nevoja ulëritëse që ka ky popull për të hequr nga qafa këta shushunja që po iu pijnë gjakun cdo ditë. Është nevoja për një revolucion demokratik” u shpreh ai.
Rrëzimin i kërkesës së PD-së për dërgimin e mandatit të Rakip Sulit, Arben Ristani e cilëson qëndrim që fakton se maxhoranca nuk respekton ligjet dhe Kushtetutën e vendit.
“Ata nuk njohin shtetin ligjor e shtetin e së drejtës. Gjykata Kushtetuese ka dhënë vendimin që atyre u pamundësonte veprimin që kryen, pra i fshehin Gjykatës Kushtetuese veprimet e kusarisë” përfundoi Ristani.
Redaksia Online
(F.T/shqiptarja.com)