POP 5

Lajmet më të lexuara të 5 minutave të fundit

Politikë

‘Rithemelimi’: Shteti garant i ‘Inceneratorit të Tiranës’, projekti fantazmë do të ndërtohej mbi një truall 100% publik

Prej ditësh, ‘Rithemelimi’ ka hedhur akuza përkundrejt qeverisë sa i përket inceneratorëve, ose ajo që e quajnë si aferën më të madhe korruptive. Në një dalje për mediat nga selia blu, anëtari të Këshillit Kombëtar të PD, Akil Kraja është ndalur te inceneratori i Tiranës, ku shprehet se shteti shqiptar i ka dalë garant një projekti fantazmë do të ndërtohej mbi një truall 100% publik

TIRANË- Prej ditësh, ‘Rithemelimi’ ka hedhur akuza përkundrejt qeverisë sa i përket inceneratorëve, ose ajo që e quajnë si aferën më të madhe korruptive. Në një dalje për mediat nga selia blu, anëtari i Këshillit Kombëtar të PD, Akil Kraja është ndalur te inceneratori i Tiranës, ku shprehet se shteti shqiptar i ka dalë garant një projekti fantazmë do të ndërtohej mbi një truall 100% publik

 “Prej javësh denoncojmë çdo ditë, me fakte dhe prova, vjedhjet miliona euroshe nga inceneratorët e Tiranës, Elbasanit dhe Fierit. Për nga vlerat e abuzuara, janë në lojë mbi 430 milion euro; për nga individët e përfshirë, Kryetarë Bashkish, Ministra e vetë Kryeministri; për nga skemat e përdorura, kompani guacë brenda dhe jashtë vendit në pronësi njerëzish të vdekur apo në azil; gjithçka në këtë skandal përbën një mega-aferë.

 Një mega aferë tejet komplekse dhe që dëshmon se hajdutët në fakt janë vetë qeveritarët. Sot do të ndalemi tek Landfilli i Sharrës në Tiranë pasi mega-skandali nuk prek vetëm inceneratorët por të gjithë zinxhirin e menaxhimit të mbetjeve. Flasim gjithmonë për të njëjtën kompani “Integrated Energy B.V.” e cila nuk paguhet vetëm për të djegur plehrat që nuk digjen askund. 

 Më konkretisht, Landfilli i Sharrës ku do të ndërtohej projekti imagjinar i inceneratorit ka qenë në pronësi të shtetit me mbi 60% të tij. Sipas studimit të fizibilitetit të Ministrisë së Mjedisit, gati 39% e tokës ku parashikohej të shtrihej koncesioni i inceneratorit ishte në pronësi private.  Çfarë ndodh: shteti shqiptar i del garant kompanisë së Zotos duke shtetëzuar me paratë e qytetarëve, dhe pjesën e truallit që ishte private.  Çka do të thotë që i gjithë projekti fantazëm do të ndërtohej mbi një truall 100% publik”, tha Kraja.

 Për këtë arsye i kanë kërkuar përgjigje për 5 pyetje.

“1. Sa është vlera në miliona euro, që shteti shqiptar, ka kompensuar deri më sot në emër të Integrated Energy pronarët privatë të truallit në Sharrë? 
 2. Sa është numri i gjyqeve që shteti shqiptar ka më pronarë të truallit që kërkojnë një kompensim më të lartë, dhe sa është parashikimi i detyrimeve totale në fund të këtyre gjyqeve?
3. A mund të jetë ky truall publik, prej 15 hektarësh, objekt sekuestrimi nga bankat kreditore të Klodian Zotos për kreditë e mos-kthyera nga ai, dhe sa shkon humbja në total për shtetin shqiptar?   
4. Sa është fitimi në miliona euro, që e njëjta kompani fantazëm ka nxjerrë nga faturimi i depozitimit inerteve të ndërtimit në këtë truall publik?  
5. Përse Bashkia Tiranë vijon ta lejojë këtë kompani fantazëm, një nga administratorët e të cilës është objekt hetimi dhe kërkimi ndërkombëtar, të vjelë miliona euro fitime nga përdorimi i një trualli publik si Landfilli i Sharrës ? Përgjigjja është vetëm një. Sepse këto janë punë plehrash, punë hajdutësh, punë fantazëm për një mega-aferë qindra milionëshe”, përfundoi ai.

‘Inceneratorët’ janë ‘karta’ që po përdor opozita e Sali Berishës dhe Ilir Metës kundër qeverisë, ku ditë pas dite hedhin akuza në drejtim të kryeministrit Edi Rama, të cilët e cilësojnë atë si “kokën” e kësaj afere. 

B.K./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ceni: 21/08/2022 14:21

    O kraje shko tek kraja i spakut dhe denoncoje qe te jesh deshmimtar kur te zhvillohet gjyqi

    Përgjigju
  • jorgo: 20/08/2022 21:02

    Ceshte ki Akil mo, nga na dole na vera e semes te dhjefsha mustaqet...

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

25 Dhjetor, 18:54