Receta

Rizoto me shumë shije / Oriz me pançetë në krem djathi nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 10 Mars 2023, 12:29 | Përditesimi: 10 Mars 2023, 12:32

Oriz me pançetë në krem djathi

Përbërësit:

240 gr oriz Carnaroli
2 të verdha veze
60 gr djathë pecorino
40 gr djathë parmixhano
60 gr pançetë e ëmbël
1 litër lëng perimesh
40 gr gjalpë
Vaj ulliri ekstra i virgjër
Kripë, piper i zi

Përgatitja:

LEXO EDHE:
Mesnik me mish pule nga zonja Albana

Fillimisht në një tavë skuqim orizin për disa minuta me pak vaj ulliri. Herë pas here shtojmë lëng perimesh ose mishi dhe e gatuajmë orizin si për të bërë një rizoto.

Ndërkohë në një tigan që nuk ngjit kaurdisim pançetën e prerë në rripa. Pasi të bëhet krokante, e largojmë pançetën nga tigani duke e lënë mënjanë yndyrën që ka lëshuar.

Në një enë vendosim dy të verdhat e vezëve, shtojmë djathin e deles dhe yndyrën e pançetës dhe e përziejmë me një rrahëse. Më pas shtojmë gjalpin, djathin e grirë parmixhano, kripën dhe piperin e zi të bluar. Pasi të ketë kaluar 15 minuta nga zierja e orizit, fikim zjarrin, shtojmë salcën e përgatitur, e trazojmë mirë dhe e servirim të ngrohtë me pançetën e thekur.

MC/Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com