Robert Ndrenika , aktori i qindra rolave në kinema dhe në teatrin shqiptar feston sot 70 vjetorin e lindjes . Prej rreth 4 vitesh ai i mungon skenës shqiptare pasi ka vendosur të jetë më pranë bashkëshortes së tij Polikseni duke u kujdesur për të. Ai mbahet mend për shumë role sidomois në filmat shqiptarë si: “Prefekti” ku ai kishte rolin e Qazim Mulletit, “Përrallë nga e kaluara”, “Kapedani” , “Në shtëpinë tonë” etj. Po kështu role të shumta dhe të paharrushme ka zhvilluar edhe në teatër në veprat si: “Shumë zhurmë për asgjë” , “I sëmuri për mend” si dhe debutimi i tij i fundit në teatrin e Metropolit me shfaqen “Harvey” nën regjinë e Hervin Çulit. Gjithashtu Ndrenikës i janë akorduar titulli “Artist i Merituar” në vitin 1979 si dhe “Artist i Popullit” në vitin 1988.