PARIS - Mesfushori spanjoll i Manchester Cityt, Rodrigo Hernandez Cascante (28 vjeç) i njohur shkurt si Rodri fitoi ‘Topin e Artë’ për vitin 2024, trofeun më të rëndësishëm individual për futbollistët.
Ai la pas dy lojtarët e Real Madrid, Vinicius dhe Bellingham. Rodri është spanjolli i parë që e fiton këtë çmim pas vitit të largët 1960, që asokohe ngrihej nga Luis Suarez.
Paçka se ceremonia e Parisit (e 68 në histori) nisi në orën 20:45 të së hënës, saga dhe pakënaqësitë zënë fill drekën e djeshme. Në Madrid mbërriti lajmi se Vinicius nuk ishte më i votuari nga gazetarët me të drejtë vote dhe juria, çka bëri që klubi i Real Madrid të merrte vendimin për të bojkotuar ceremoninë duke anuluar fluturimin për në Francë dhe akuzuar organizatorët, pasi prisnin që sulmuesi i tyre Vinicius të ngrinte trofeun.
Tej kësaj, Real Madrid si fituesi në fuqi i La Ligas dhe Champions League u shpall ekipi më i mirë i sezonit që lamë pas dhe Carlo Ancelotti si ‘Trajneri më i mirë’. Ndërkohë Barça për femra ishte ekipi më i mirë, ndërsa Lamine Yamal talenti i sezonit. Për t’u përmenduar edhe Granit Xhaka, shqiptari i Bayer Leverkusen që zë vendin e 16-të mes më të mirëve në botë.
Rodri fiton Topin e Artë
Mesfushori i Manchester Cityt mori çmimin më të rëndësishëm në aspektin individual, ndërsa u ngjit në skenë me paterica për shkak të dëmtimit. Lojtari spanjoll ishte vendimtar me kombëtaren e tij në Europian, që kulmoi me fitimin e trofeut, por edhe një pikë kyçe te City, në fitimin e Premier League.
Në garën për “Topin e Artë”, mesfushori mposhti sulmuesin e Real Madrid, Vinicius Junior, i cili u rendit i dyti. Trofeun e “Topit të Artë” e dha George Ëeah, i cili e ka fituar atë në vitin 1995.
“Trajneri i vitit”, Carlo Ancelotti
Carlo Ancelotti është zgjedhur si trajneri më i mirë i vitit. Italiani fitoi La Ligën me Real Madrid, por edhe Champions League.
“Trajnerja e vitit”, Emma Hayes
Emma Hayes, zgjidhet trajnerja më e mirë e vitit në futbollin e femrave. Timonierja amerikane e Chelseat, ka marrë çmimin e veçantë.
‘’Portieri i vitit’’, Emiliano Martinez
Emiliano Martinez, është zgjedhur si portieri më i mirë i vitit për herë të dytë radhazi. Gardiani argjentinas fitoi Trofeun “Yashin”.
Portieri i Aston Villa-s dhe Argjentinës zgjidhet kështu dy herë radhazi si portieri më i mirë i vitit. Lojtari ka qenë vendimtar për kombëtaren e tij në Kupën e Amerikës, por edhe në Premier League.
Kane dhe Mbappe fitojnë Trofeun “Gerd Muller”
Harry Kane dhe Kylian Mbappe janë fituesit e Trofeut “Gerd Muller”. Ky trofe shkon për dy sulmuesit më të mirë të vitit.
Të dy lojtarët kishin një vit shumë të suksesshëm, sa i përket golave të shënuar, pasi tundën rrjetën plot 52 herë secili.
“Talenti i vitit”, Lamine Yamal
Lamine Yamal (17 vjeç) është zgjedhur “Talenti i vitit”. Nuk kishte dyshime për këtë, duke parë sukseset e arritura nga ylli i Barcelonës.
Renditja e plotë e “Topit të Artë”
1-Rodri
2- Vinicius Junior
3- Jude Bellingham
4- Dani Carvajal
5- Erlind Haaland
6- Kylian Mbappe
7- Lautaro Martinez
8-Lamine Yamal
9- Toni Kroos
10- Harry Kane
11- Phil Foden
12- Florian Wirtz
13- Dani Olmo
14- Ademola Lookman
15- Nico Williams
16- Granit Xhaka
17- Federico Valverde
18- Emiliano Martinez
19- Martin Odegaard
20- Hakan Calhanoglu
21- Bukayo Saka
22- Antonio Rudiger
23- Ruben Dias
24- William Saliba
25- Cole Palmer
26- Declan Rice
27- Vitinha
Çmimet e plota në ceremoninë e ‘Topit të Artë’ 2024
Rodri – “Topi i Artë” për meshkuj
Aitana Bonmati – “Topit i Artë” për femra
Lamine Yamal – “Talenti i Vitit”
Harry Kane dhe Kylian Mbappe – trofeu “Gerd Muller” (dy sulmuesit më të mirë të vitit)
Emiliano Martinez – “Portieri i Vitit”
Carlo Ancelotti – “Trajneri i Vitit”
Emma Hayes – “Trajnerja e Vitit” për femra
Real Madrid – “Ekipi i Vitit” për meshkuj
Barcelona – “Ekipi i Vitit” për femra
Jennifer Hermoso – Çmimi “Socrates”
Integral for club and country, Rodri ????#UCL | #ballondor pic.twitter.com/PrB2KNtx6s
— UEFA Champions League (@ChampionsLeague) October 28, 2024
Pasi u shpall "Trajneri i vitit" në ceremoninë e "Topit të Artë", Carlo Ancelotti ka thumbuar në rrjetet sociale. Kjo pasi gjithë Real Madrid bojkotoi ceremoninë e Parisit pasi mësoi se Vinicius Junior dhe Carvajal nuk do marrnin çmimin prestigjoz, që në fund shkoi për Rodrin e Man. Cityt.
“Dua të falenderoj familjen time, presidentin tim, klubin tim dhe lojtarët e mi. Mbi të gjitha dua të falenderoj Vinicius Jr dhe Carvajal”, shkruan italiani.
Rodri fitoi ‘Topin e Artë’ për vitin 2024, teksa riktheu Spanjën në podium pas 64 vitesh.
Hera e fundit që një futbollist spanjoll e fitonte “Topin e Artë” ishte viti i largët 1960, asokohe kurorëzohej Luis Suarez (ish-futbollisti i Interit dhe Barcelonës).
Pak orë para ceremonisë së "Topit të Artë", Vinicius Junior i Real Madrid ishte favorit për trofeun, por gjithçka ndryshoi dhe Real Madrid bojkotoi ceremoninë duke mos marrë asnjë nga çmimet.
Pasi Rodri u shpall fitues i trofeut prestigjoz, ka reaguar edhe Vinicius Junior, braziliani që fitoi La Ligan dhe Champions League me "Galaktikët".
“Do ta bëj edhe dhjetë herë. Nuk janë gati”, ka shkruar ai në rrjetet sociale.
Eu farei 10x se for preciso. Eles não estão preparados.
— Vini Jr. (@vinijr) October 28, 2024
Lionel Messi me tetë trofe të Topit të Artë kryeson listën e plotë të fituesve të këtij çmimi prej vitit 1956 kur ky trofe u dha për herë të parë. Vështirë se rekordi i "Pleshtit" do mund të kalohet.
Më poshtë lista e plotë e fituesve të "Topit të Artë":
Granit Xhaka u rendit i 16-ti në listën finale për Topin e Artë 2024. Kapiteni shqiptar i Zvicrës dhe mesfushori i Bayer Leverkusen s’është shqiptari i vetëm që e ka provuar këtë emocion.
Atë nder për herë të parë e ka pasur ish-sulmuesi i njohur vlonjat, Sokol Kushta, i cili në vitin 1987 ishte mes kandidatëve të përzgjedhur nga “France Football” asokohe për trofeun prestigjioz. Ai e mbylli votimin me një pikë, po aq sa ikona e futbollit gjerman Rudi Voller. Altobeli, Saravakos dhe Hoddle.
Rodri i Man. Cityt u shpall fituesi i Topit të Artë për vitin 2024. Ky çmim jepet edhe sipas votave të gazetarëve. Në dhënien e pikëve për “Topin e Artë” ka marrë pjesë edhe Shqipëria, më saktë gazetari Besnik Dizdari.
Sipas emrave të shënuar më poshtë, Dizdari ka votuar me 15, 12, 10, 8, 7, 5, 4, 3, 2 dhe 1 pikë. Pra me më pak pikë ka votuar Granit Xhakën, teksa ka surprizuar me renditjen e Vinicius JR.
1. Rodri 15 pikë
2. Lamine Yamal 12 pikë
3. Dani Carvajal 10 pikë
4. Jude Bellingham 8 pikë
5. Antonio Rudiger 7 pikë
6. Erling Haaland 5 pikë
7. Lautaro Martinez 4 pikë
8. Vinicius JR 3 pikë
9. Kylian Mbappe 2 pikë
10. Granit Xhaka 1 pikë
Pasi fitoi ‘Topin e Artë’ për vitin 2024, Rodri tha se ishte një ditë e rëndësishme për të, ndërsa nuk ngurroi të motivojë edhe bashkëkombasin e tij Carvajal, që po vuan një dëmtim si vetë Rodri. Ai zbulon edhe prapaskenat e tij me futbollin.
“Kjo është vërtet një natë e pabesueshme. Më duhet të falënderoj shumë njerëz, France Football, UEFA-n dhe të gjithë që më kanë mbështetur. Sot është një ditë e veçantë për mua, për familjen dhe vendin tim, falenderoj Laurën (gruan), pa të nuk do të kishte qenë njësoj.
Nuk dua të harroj shokët e skuadrës, futbolli është një sport ekipor dhe pa ata nuk do të isha këtu, falë shokëve të mi të ekipit kombëtar, Carvajal që pësoi të njëjtin dëmtim si unë dhe e meritonte të isha këtu, i cili do ta fitojë së shpejti. Nuk është vetëm një fitore për mua, por për futbollin spanjoll. Mendimet e mia shkojnë te lojtarët si Casillas, Xavi apo Iniesta, të cilët nuk e kanë fituar kurrë.
Një ditë i thashë babait tim se doja ta lija futbollin dhe se kishte ardhur fundi i ëndrrës sime. Ai më tha ‘jo, vazhdo deri në fund’. E falenderoj. Sot jam këtu dhe jam krenar. Ajo telefonatë më ktheu motivimin, duke më dhënë shtytje në një moment dekurajimi.
Unë isha një mesfushor që duhej të përmirësohesha dhe në vitet e fundit performanca ime është rritur. Ju gjithmonë mund të përmirësoheni, në çdo aspekt dhe sot unë luaj në një mënyrë më moderne.
Tani, nëse ju jeni një mesfushor, ju duhet të keni cilësinë e një sulmuesi, unë jam një djalë normal, unë përpiqem të jem një lider çdo ditë. shembull i suksesit duke qenë një i tillë, po përpiqem të kujdesem për veten në këto muaj të palumtur dhe të përpiqem të qëndroj pozitiv në lidhje me rikuperimin tim nga lëndimi.
Si do të festojë Rodri? Me njerëzit që ishin me mua në kohë të vështira. Dua të falënderoj të gjithë njerëzit që njohën vlerën time, jam vërtet i lumtur për veten dhe për kombin tim”, deklaroi Rodri.
Në fund ai kishte edhe një mesazh për Lamine Yamal, duke besuar se ai do ta fitojë një ditë këtë çmim.
“Lamine Yamal do ta fitojë Topin e Artë shumë shpejt, jam i bindur për këtë. Vazhdo kështu, vazhdo të punosh shumë, do të arrish. Ishte vetëm një lojtar që më tha se do ta fitoja … ishte ti Lamine”, ka thënë Rodri gjatë ceremonisë.
Komente
Lajme të tjera
-
Kryeministri i ri francez: Nëse nuk kemi një qeveri deri në Krishtlindje, do të jemi në greminë
20 Dhjetor, 12:04 -
U mbajt pas 20 vitesh, Reali fiton Kupën Interkontinentale dhe fut në histori Ancelotti-n dhe Luca Modric (VIDEO)
19 Dhjetor, 12:25 -
Francë/ Ish-presidenti Sarkozi dënohet për korrupsion, në 'arrest shtëpie' me një byzylyk elektronik
18 Dhjetor, 16:46 -
Votat e Shqipërisë për 'The Best'! Sylvinho zgjedh brazilianin e Realit, Gjimshiti nderon legjendën e Gjermanisë
18 Dhjetor, 11:52 -
Vinicius shpallet lojtari i vitit, FIFA ndan çmimet e më të mirëve të 2024
17 Dhjetor, 19:11 -
Kryeministri francez Francois Bayrou nis punën mes një sërë sfidash
16 Dhjetor, 21:44 -
Cikloni apokaliptik Chido në Mayotte, viktimat mund të jenë me mijëra, 1,7 mln njerëz në rrezik
16 Dhjetor, 10:38 -
Si Kryeministrja e Italisë, Giorgia Meloni mund të kapërcejë hendekun midis Trump dhe Evropës! Analiza e CNN
16 Dhjetor, 09:53
-
Cikloni Chido shkakton katastrofë në Francë, autoritetet: Qindra, ndoshta mijëra viktima!
15 Dhjetor, 21:44 -
Të shtëna me armë pranë një kampi emigrantësh në Francën veriore, 5 të vdekur, mes tyre 2 roje sigurie! Dorëzohet autori
14 Dhjetor, 20:07 -
Francë/ Dënohet grupi i drogës, u zbuluan nga ‘Sky ECC’, lidhje me Shqipërinë dhe roli i ‘Eduardit’
14 Dhjetor, 16:58 -
Milioneri 95-vjeçar ia lë të gjithë pasurinë qytetit të tij të lindjes në Francë, por me disa kushte
12 Dhjetor, 17:25
Sa turp qe shqiperia prezantohet nga keta dlexhinje shkarravites, Dora e dukes duket ne te gjitha korrupsionet e Fifa Prandaj pupulli ka filluar me banderola FIFA MAFIA robt dizdari ku ti keah
PërgjigjuTOPI I ARTE ESHTE DALLAVERE E GJALLE...
Përgjigju