Kandidati i Partisë Demokratike për Bashkinë e Tiranës zhvilloi një takim me qytetarët në zonën e Misto Mames. Bejko u prezantoi atyre pikat e programit për kryeqytetin, ku theksoi se nëse do ta votëbesojnë më 14 maj, do të ulë të gjitha taksat vendore me 50%.
Një politikë e tillë, Bejko tha se do të ndiqet me qëllim që të rritet numri i qytetarëve që paguajnë taksat dhe kështu buxhetit të bashkisë do t’i shtohen 50-60 milionë euro, që do të shkojnë për ndërtimin e shkollave, kopshteve dhe prioritetet e tjera. Sa u takon shkollave, çerdheve dhe kopshteve, Bejko tha se ato do të pozicionohen vetëm 15 minuta larg shtëpisë.
Ndërkohë, kandidati demokrat u ndal edhe tek prishja e banesave që janë bërë nga Bashkia. Ai tha se nëse do të zgjidhet kryetar bashkie do të shpronësojë banesat që mund të prishen me vlerën e tregut.
“Programi im për Tiranën është një program ambicioz, jo me premtime të bujshme. Gjëja e parë që do bëj për Tiranën është që do heqim kthetrat e kësaj klase të korruptuar politikanësh dhe oligarkësh. Me mua kryetar bashkie nuk do të kenë shans ata që të komandojnë se kush i fortë apo kush oligarkë do të marrë çfarë nga prona publike. Me mua në krye të Bashkisë së Tiranës, qytetarët e Tiranës do të jenë të qetë se askush nuk do vijë t’ua prishë pronën me një rusp natën duke u zënë edhe plaçkat e shtëpisë brenda, investimin e jetës brenda, djersën e ballit, mundin e fëmijëve në emigracion. Nuk ka për të ndodhur. Nëse do të ketë shpronësime të pronave të tyre, shpronësimet do bëhen me vlerën e tregut. Me vlerën reale të tregut sot, për metër katrorë, jo vetëm banesë, por edhe oborri apo kopshti që ka nëse do duhet të prishen. Unë do jem kryetari i bashkisë së Tiranës me transparent dhe bashkëpunues me këshillin e bashkisë.
Ne do të ndërtojmë shkolla, çerdhe, kopshte, do t’i japim akses prindërve që t’i edukojnë fëmijët në mjedise komode. Këta e pengojnë ndërtimin e shkollave sepse një shkollë që ndërtohet me të njëjtat parametra në Itali me 1 mln euro, po ta sjellësh në Tiranë kushton 3 mln euro. Po 2 mln euro ku shkojnë, i ndajnë me njëri tjetrin, me oligarkët, oligarkinë politike dhe me firmat e klanit të tyre që kryejnë punimet. Prandaj jemi pa shkolla, kopshte, pa çerdhe. 15 minuta larg banesës do ta keni kopshtin, çerdhen, shkollën dhe qendrën shëndetësore.
Do të ulim taksat me 50%, do të heqim taksën e infrastrukturës shkollore dhe sportive. Duke ulur taksën me 50% do të bëjmë që të rritet baza e tatimpaguesve. 50% sot është ekonomi informale. Do t’i ulim taksat dhe do të kërkojmë që të gjithë qytetarët të paguajnë taksat dhe kështu do të futen në arkën e bashkisë 50-60 mln euro të tjera që mungojnë sot. Me këto do të bëjmë shkolla, kopshte, çerdhe etj.
Do zgjidhim problemin e ujit të pijshëm në Tiranë. E rriti çmimin tre herë Erion Veliaj në Tiranë me pretekstin se tha do të kemi ujë 24 orë. Nuk e bëri dot kurrë këtë,, ndërmarrja kaloi në faliment edhe pse paguajmë 30 mijë lek për ujin e pijshëm, paguajmë 40 mijë lekë për të blerë ujë në dyqan Pra, Tirana është e rrethuar nga burime ujore, Shqipëria është vend i pasur me ujë dhe brenda mandatin tonë do sigurojmë ujë 24 orë që 32 vjet vazhdojmë si në ’90 ku sa dilni në fushata elektorale kërkoni rrugë, ujë drita”, tha Bejko.
Kandidati i PD-së për Tiranën, Roland Bejko në këto zgjedhje garon me moton “Frymëmarrje për Tiranën” dhe përmes programit angazhohet në ndërtimin e kopshteve dhe çerdheve, të cilat sipas tij nuk duhet të jenë 15 minuta larg vendbanimit. Për biznesin premton ulje të taksave, ndërsa në fokus janë dhe të rinjtë dhe përballja me fenomenin e emigracionit.
Kandidati i Partisë Demokratike për Kryetar Bashkie në Tiranë Roland Bejko, vijoi turin e takimeve elektorale duke takuar sipërmarrës dhe banorë të zonës së “Misto Mames”.
Kandidati demokrat për Bashkinë e kryeqytetit, duke u shpërndarë fletëpalosje me programin për Tiranën, vuri në dukje premtimin për uljen me 50% të taksave
Roland Bejko po ashtu kujtoi se shpresa për një të ardhme më të mirë duhet mbajtur gjallë, ndërsa një prej banorëve i rrëfeu eksperiencën në emigrim dhe kthimin në Shqipëri.
Lajme të tjera
-
Po tani, ka drejtësi zoti Berisha ?
27 Nëntor, 22:37
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Veliaj në pritjen zyrtare për 112-vjetorin e Pavarësisë: Sot Shqipëria dhe shqiptaria është në ditët e veta më të mira! Nuk kemi kohë për të humbur
27 Nëntor, 20:30 -
112-vjetori i Pavarësisë, Tirana vishet kuqezi! Nesër në bulevardin 'Dëshmorët e Kombit' parada e shqiptarëve nga të gjitha trevat (FOTO + VIDEO)
27 Nëntor, 20:09 -
Policia procedoi 17 deputetë për protestën, Korreshi: Lani sqetullat se na helmuat, e nuk hamë dot përshesh
27 Nëntor, 20:05 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
FOTOLAJM/ Presidenca ‘vesh’ dekorin e festave, ndriçohet nga drita shumëngjyrëshe
27 Nëntor, 18:40 -
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
‘Drejtësi për Martinin!’ Marshim protestë për sigurinë, por pa bojkot në shkolla
27 Nëntor, 18:22 -
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
