POP 5

Lajmet më të lexuara të 5 minutave të fundit

Sport

Roma do përmbysje, Feyenoord-in e pret ‘ferri’ i Olimpicos! United e nis nga e para me Sevillia-n, Juve do gjysmëfinalen

Para 67 mijë tifozësh Roma e Jose Mourinhos do kërkojë sonte përmbysjen ndaj Feyenord për të shkuar në gjysmëfinalet e Europa League. Sakaq Juventusit i duhet të mbrojë në Portugali fitoren e parë ndaj Sportingut, ndërsa Manchester United e nis nga e parë në transfertën e Seviljes

Roma e Jose Mourinho do të ketë sonte në orën 21:00 ndeshjen më vendimtare të sezonit, pasi do të presë para 67 mijë tifozë në kryeqytet Feyenoordin me synimin për të përmbysur humbjen 1-0 të pësuar në Holandë. Lajmi i mirë për italianët është rikuperimi i Paolo Dybala-s, që ende nuk dihet nëse do ta nisë nga minuta e parë, por edhe e sulmuesit Abraham që në Roterdam e la lojën i dëmtuar.

Ndërkohë në Lisbonë Juventusi ka udhëtuar për të mbrojtur fitoren 1-0 të një jave më parë në Torino kundër Sportingut. Për bardhezinjtë do jetë një natë e vështirë, por më në fund ‘zonja’ do jetë e plotë dhe pa asnjë mungesë. Para ndeshjes trajneri Allegri ka deklaruar se kualifikimi në gjysmëfinalen e Europa League do të vijë vetëm nëse e luajmë si një ndeshje të vetme, pa menduar për atë që ndodhi në Torino.

Sakaq mjaft interesante do jetë edhe çerekfinalja e kthimit në Spanjë mes Sevillia-s dhe Manchester United. Sfida e parë në ‘Old Traford’ përfundoi me katër gola, por pa fitues pasi u mbyll me shifrat 2-2. Spanjollët njihen për dashurinë e madhe që kanë në këtë kompeticion, por United nga ana tjetër e ka mundësinë e vetme për të mbyllur sezonin me një trofe edhe pse ka mungesa të rëndësishme si Bruno Fernandes, Gernacho, Lisandro Martinez dhe Rafael Varane.

Përballja tjetër çerekfinale e kthimit do luhet në Belgjikë mes Royale dhe Bayern Leverkusen. Sfida e parë në Gjermani u mbyll me rezultatin 1-1.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Besa i sfidon në Shkodër, Brdaric: I vlerësojmë maksimalisht, mund të kemi rotacion

Besa i sfidon në Shkodër, Brdaric: I vlerësojmë maksimalisht, mund të kemi rotacion

15 Janar, 13:40