'Roma në flakë', re tymi mbi qytet, evakuohen banorët e 4 pallateve

Një zjarr i madh ka përfshirë kryeqytetin italian Romën, duke shkaktuar një re të madhe tymi. Të frikësuar banorët kanë lënë shtëpitë, ndërsa autoritetet kanë evakuuar 4 pallate. Kryebashkiaku i Romës Roberto Gualtieri tha se situata është nën monitorim dhe nuk dihet nëse janë episode me motive kriminale apo nga pakujdesia.

Ngjarja ndodhi teksa në Romë pritej koncerti i grupit muzikor Maneskin, me mbi 70 mijë bileta të shitura. Në terren janë 25 ekipe zjarrfikësish me 100 efektivë, ndërsa rënia e zjarrit ka shkaktuar bllokim qarkullimi në zonë. 

“Zjarret që kanë goditur qytetin ditët e fundit janë një sekuencë episodesh që po vënë në provë Romën dhe banorët. Ne po monitorojmë vazhdimisht situatën dhe ende nuk e dimë nëse janë episode me origjinë kriminale apo vetëm nga pakujdesia. Nuk është koha për spekulime dhe përçarje politike. Është koha e unitetit, e afërsisë me romakët e prekur dhe e vendosmërisë për të mos u frikësuar dhe për të ecur përpara në rrugën e modernizimit dhe rinisjes së Romës. Në Romë, një dorë keqdashëse po shfaqet pas zjarreve të ditëve të fundit. I bëjmë thirrje hetuesve që të bëhet një qartësi e plotë për natyrën e këtyre ngjarjeve. Kryeqyteti i Italisë nuk mund të jetë peng i askujt”, shkruan në Facebook kryebashkiaku i Romës, Roberto Gualtieri.

 

S.C/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Policia ndaloi protestën e Berishës në Bulevard, si e vlerësoni vendimin?



×

Lajmi i fundit

Gjermani/ Qeveria po planifikon të lehtësojë rregullat për marrjen e shtetësisë

Gjermani/ Qeveria po planifikon të lehtësojë rregullat për marrjen e shtetësisë