POP 5

Lajmet më të lexuara të 5 minutave të fundit

Kronikë

Romë, Task-Force e përbashkët
mes policive shqiptare-italiane

Policia shqiptare dhe ajo Italiane do të ngrejnë një Task-Forcë të përbashkët për luftën ndaj krimeve të ndryshme. Marrëveshja u fimos sot në Romë nga Artan Didi e Alessandro Pansa.
TIRANË -  Policia shqiptare dhe ajo Italiane do të ngrejnë një Task-Forcë të përbashkët për luftën ndaj krimeve të ndryshme. Një tjetër synim i kësaj strukture do të jetë edhe kapja e të kërkuarve italianë në Shqipëri dhe atyre shqiptarë në Itali.
 
Marrëveshja është nënshkruar ditën e sotme në Romë, nga Drejtori i Policisë shqiptare, Artan Didi dhe Drejtori i Policisë Italiane, Alessandro Pansa.

artan didi ne itali firma
(Në foto: Marrëveshja e firmosur mes dy drejtorëve në Romë)

Gjatë takimit, ndërmjet policive të të dy vendeve u nënshkrua edhe një protokoll operacional, që parashikon ngritjen e një Task-force, me synim rritjen e bashkëpunimit operacional për parandalimin dhe luftën ndaj formave të ndryshme të kriminalitetit.
 
Në kuadër të kësaj task-force, policitë e të dy vendeve do të bashkëpunojnë për shkëmbimin e informacioneve dhe analizën e të dhënave hetimore për individë dhe organizata kriminale, që veprojnë në të dy vendet.
 
Gjithashtu edhe do të rritet bashkëpunimit operacional policor për luftën ndaj fenomeneve kriminale të një rëndësie të veçantë, si dhe finalizimin e hetimeve të përbashkëta për gjetjen dhe kapjen e të kërkuarve Italianë në Shqipëri dhe të kërkuarve Shqiptarë në Itali.
 
Dy drejtuesit e lartë kanë evidentuar  problematikat që janë në interes të policive të të dy vendeve, si dhe aktivitetet e përbashkëta që do të ndërmerren për të parandaluar e goditur fenomenet kriminale.
 
artan didi ne itali
(Në foto: Drejtori i Policisë së Shtetit, Artan Didi dhe homologut italian Alessandro Pansa)

Redaksia online
(ac/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03