Ronaldo mposht COVID-in pas 19 ditësh, por mbetet ende në dyshim për ndeshjen e së dielës

Të premten në mbrëmje Juventus lajmëroi se Cristiano Ronaldo, sportisti më i famshëm në botë, mposhti koronavirusin pas 19 ditësh luftë. 35-vjeçari që rezultoi pozitiv me 13 tetor, teksa ishtë i grumbulluar me kombëtaren e Portugalisë, sot do të mund të bashkohet në stërvitje me ekipin kampion të Italisë.

Infektimi i Ronaldo-s nuk kaloi pa zhurmë, pasi një ditë më pas ai udhëtoi drejt Italisë me një avion privat, detaj për të cilin ministri Vincenzo Spodafora tha se fituesi i 5 herë ‘Topit të Artë’ shkeli protokollin.

Sipas njoftimit të bërë nga Juventusi, CR7 do të lë stërvitjen individuale për t’u bashkuar sot me pjesën tjetër të skuadrës, që të dielën do të përballet me Spezia-n. Gjithsesi nuk është ende 100% e sigurtë nëse Ronaldo do të jetë i disponueshëm për këtë përballje, pasi duhet të dalë dy herë negativ në testin e koronavirusit. Përgjigjja për testin e dytë sipas mediave në Itali del para nisjes për në Spezia.

Për shkak të infektimit Ronaldo humbi në mesjavë përballjen në Champions League kundër Barcelonës së Lionel Messi-t, e cila pas fitores 0-2 nuk nguroi të thumbonte bardhezinjtë. Në ‘tëitter’ katalanasit shkruan ‘se jemi të kënaqur që patët mundësinë të shihnit më të mirin në botë në fushën tuaj’.

Nuk mungoi as përgjigjja e Juventusit, e cila ishte gjithashtu ekipe. Bardhezinjtë në ‘retwitter’ shkruan: ‘Me siguri e kani parë gabim në fjalor, ne do t’ju sjellim të duhurin në Camp Nou’.

Ne.k./r.k./Shqiptarja.com

TAG:
• cristiano ronaldo
• juventus