POP 5

Lajmet më të lexuara të 5 minutave të fundit

Sport

Ronaldo rikthen Juven në krye/ Goleada të Romës e Lazios, argëtohet Real Madrid

Cristiano Ronaldo rikthen Juventusin në kryesimin e Serisë A. Portugezi shënoi me penallti golin e fitores ndaj Xhenoas. Në javën e 10-të në Itali kanë fituar ekipet kryeqytetase Roma dhe Lazio ndërsa Napoli ngeci në barazim. Real Madrid u argëtua në La Liga dhe është vetëm një pikë larg Barcelonës.

Ronaldo rikthen Juven në krye/ Goleada të Romës e Lazios, argëtohet Real Madrid

Cristiano Ronaldo shpëton Juventusin dhe e rikthen në kryesimin e Serisë A. Bardhezinjtë fitojnë në frymën e fundit 2-1 ndaj Genoas dhe rimarrin komandën. Në dy minuta e tashmja dhe e ardhmja e Juventusit ndryshoi rrënjësisht. Ronaldo e fitoi penalltinë vet dhe e ktheu në gol në minutën e 96-të. Golat e tjerë në Torino ishin shënuar të dy në pjesën e parë kur Bonucci kaloi Juven në avantazh dhe Kouame kishte barazuar përkohësisht.

Në javën e 10-të ekipet kryeqytetase Roma dhe Lazio kanë fituar nga 4-0. Verdhekuqtë fituan në Friuli 4-0 ndaj Udineses edhe pse luajtën me një lojtar më pak për një orë. Zaniolo, Smalling, Kluivert dhe Kolarov me penallti e kthyen takimin në festë për Romën që merr vendin e katërt.

Në vendin e pestë dhe me vetëm një pikë më pak është Lazio. Bardhekaltërit u argëtuan në “Olimpico” pasi mposhtën 4-0 Torinon. Acerbi shënoi një gol spektakolar për të hapur rezultatin dhe më pas dy herë Ciro Immobile dhe autogoli i Belotti-t vulosën tre pikët e radhës.

Gola ,emocione dhe polemika për një pikë. Napoli-Atalanta në “San Paolo” u mbyll 2-2 me Maksimovic dhe Milik që i dhanë dy herë avantazhin vendasve por në të dyja rastet bergamaskët barazuan me Freuler dhe Ilicic.

Ndërsa në La Liga Real Madrid u argëtua ndaj Leganes duke gjetur fitoren perfekte. Në duelin e përfunduar 5-0 në “Santiago Bernabeu” ndaj Leganes shënuan të gjithë Rodrigo, Kroos, Sergio Ramos e Benzema me penallti  dhe Jovic golin e parë madrilen. Reali është vetëm 1 pikë larg Barcelonës kryesuese./ Përgatiti Andi Kapxhiu

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kthimi i tatimit të parapaguar për profesionet e lira, Tabaku: Fitore e PD dhe e tyre përballë një shumice arrogante, të bashkuar triumfojmë 

Kthimi i tatimit të parapaguar për profesionet e lira, Tabaku: Fitore e PD dhe e tyre përballë një shumice arrogante, të bashkuar triumfojmë 

22 Dhjetor, 14:39