Një ngjarje e pazakontë ka ndodhur në qytetin e Korçës, ku një person që jepte para me fajde, ka marrë peng borxhliun e tij dhe pasi e ka mbyllur në dyqan, e ka rrahur me një dru. Dhuna fizike dhe psikologjike, ka zgjatur për 30 minuta, ndërsa si shkak i ushtrimit të kësaj dhune dhe mbajtja peng, ka qenë mos kthimi i borxhit që Kujtim Kalaveshi, kishte marrë për vete si dhe borxhin që kishte marrë kushërira e Kujtimit, Z. Z.. Klodian Fuatllari, jepte në Korçë para me fajde, ku është provuar se K. K. i ka dhënë 150 mijë lekë të vjetra me një interes prej 30 mijë lek të vjetra, për çdo ditë që ai vononte kthimin e borxhit në datën e përcaktuar.
E njëjta gjë ka ndodhur edhe me Z. Z., e cila i ka marrë Klodian Fuatllarit, shumën prej 10 mijë lekë të vjetra. Pavarësisht se Fuatllari, është akuzuar nga prokuroria për tre akuza si “Plagosje e lehtë me dashje”, “Heqje e paligjshme e lirisë” dhe “Vetëgjyqësi”, ka qenë prokurori i çështjes Edmond Shytko, ai që i ka kërkuar gjykatës së Korçës, lirimin e Fuatllarit nga qelia, duke kërkuar caktimin e masës së sigurisë “Detyrim për tu paraqitur në polici”.
Sipas dosjes së prokurorisë së Korçës, Klodian Fuatllari dhe K. K., janë të dy banorë të një lagjeje në Korçë. Të dy kanë njohje me njëri-tjetrin. Klodian Fuatllari, para një muaji i ka dhënë K. K., një shumë prej 150 mijë lekë të vjetra me detyrimin për t'ia kthyer këtë shumë, plus kamatën pas një muaji. Për çdo ditë vonesë të kësaj shume, K. K., detyrohej të paguante 30 mijë lekë të vjetra. Dhënie e lekëve borxh, është kryer në mirëbesim nga të dy personat. Ndërkohë që me ndërmjetësimin e K. K., po para një muaji Klodian Fuatllari, i ka dhënë Z. Z. 100 mijë lekë të vjetra, duke rënë dakord për të kthyer pas një muaji shumën prej 160 mijë lekë të vjetra, pra 60 për qind interes.
Mirëpo në muajin gusht 2020, periudhë kur dhe duhej të kthehej shuma dhe kamata përkatëse, ata nuk i kanë kthyer ato. Në këto kushte, në datën 20 gusht 2020 rreth orës 15:30, Klodian Fuatllari ka marrë në telefon K. K. dhe i ka kërkuar që të shkonte në dyqanin e tij. Pas kësaj telefonate, K. K. ka shkuar në dyqanin e Klodian Fuatllarit, por sapo ai ka hyrë brenda në dyqan, Klodian Fuatllari, i cili ndodhej i vetëm në dyqan, ka mbyllur derën, duke mos e lënë Kalaveshin të dalë jashtë.
Pas këtij momenti, me një dru që kishte në dorë ai ka filluar ta godasë në pjesë të ndryshme të trupit Kalaveshin. Dhuna ka vazhduar për një periudhë 30 minuta, ndërsa si shkak i ushtrimit të kësaj dhune dhe mbajtja peng, ka qenë mos kthimi i borxhit që Kujtim Kalaveshi, kishte marrë për vete si dhe borxhin që kishte marrë kushërira e K.K., Z. Z.. Pasi e ka rrahur për rreth 30 minuta duke mos e lejuar Kujtimin të dalë jashtë dyqanit, Klodiani, ka komunikuar në telefon me një taksi, shoferi i të cilës i ka shkuar në shtëpi Klodianit. Në taksi kanë hipur pengu, K. K. e Klodian Fuatllari, ndërsa shoferin e taksisë e drejtonte, ky i fundit i cili e detyronte K. K. të shkonte në shtëpinë e kushërirës së tij, Z. Z.. Në këtë shtëpi,Kalaveshi, me porosi të Klodian Fuatllarit dhe i ndodhur nën presion, ka marrë televizorin plazma të markës “Samsung”, pultin e tij dhe ky mall do shkëmbehej me vlerën e parave që ajo i kishte marrë borxh Klodianit dhe nuk ja kishte kthyer. Pasi ka marrë televizorin Kujtim Kalaveshi, ia ka çuar në taksi ku qëndronte Klodian Fuatllari. Mandej me të njëjtën taksi, të dy së bashku kanë shkuar në shtëpinë e tij, dhe i ka marrë televizorin plazma të markës LG, pultin dhe dekoderin e tij. Pas kësaj dy televizorët i kanë çuar në banesën e I. K.. Pas dorëzimit të dy televizorëve, atëherë Klodian Fuatllari ka lënë të lirë K.K., i cili sapo është ndjerë i lirë është drejtuar në ambientet e komisariatit të Korçës, ku dhe ka bërë kallëzim penal ndaj Fuatllarit.
Lajme të tjera
-
Njëri i dënuar me 20 muaj burg për shitje droge dhe tjetri me masë arresti për goditje për shkak të detyrës, 2 të arrestuar në Vlorë dhe Sarandë
27 Nëntor, 15:07 -
Aksident në Korçë, makina përplas 75 vjeçarin (VIDEO)
27 Nëntor, 14:45 -
SPAK goditi organizatën kriminale të Suel Çelës, lihen në fuqi 20 masat e sigurisë, ndryshon vetëm për avokaten e grupit! Ja emrat e 4 të kërkuarve (VENDIMI)
27 Nëntor, 13:48 -
DOSJA / Suel Çela rekrutoi edhe gjyqtaren e Tik-Tokut Enkeleda Kapedanin, si ia mbylli dosjen kriminale, i ofroi një makinë 40 mijë euro! Gjyqtarja: Kam respekt për të
27 Nëntor, 11:04 -
Gazetarët Artan Hoxha dhe Elton Qyno shkojnë në SPAK! Iu vendos masa 'detyrim paraqitje', pas dyshimeve për lidhje me bandën e Suel Çelës
27 Nëntor, 09:50 -
Protesta e 26 nëntorit/ Goditën e ofeduan policët, 15 deputetë të opozitës hetohen si organizatorë! Arrestohen 2 militantë, 64 në hetim (EMRAT)
27 Nëntor, 09:26
-
Greqi/ U kapën me 30 kg marijuanë, 2 shqiptare në pranga
27 Nëntor, 08:31 -
SPAK godet Organizatën kriminale të Suel Çelës në Elbasan! Trafikoi kokainë nga Amerika Latine në BE! Korruptoi shefin e krimeve e gjyqtaren! ''Gazetarët morën para për keqinformim''
26 Nëntor, 12:17 -
Tiranë/ 'Bad Spin 3', kontrolle në disa subjekte, arrestohen 4 persona pasi luanin baste sportive online
26 Nëntor, 09:38 -
Rritet çmimi i apartamenteve në Korçë dhe Pogradec, deri në 1 mijë € metri katror! Agjenti imobilar: Kërkesa të larta nga Tirana e Durrësi! S’mbetet pas as diaspora
25 Nëntor, 19:48
-
E rëndë në Maliq, mjeti bujqësor përmbyset në rrugën e Moglicës, vdes 61-vjeçari që drejtonte zetorin (EMRI)
25 Nëntor, 19:18 -
Detyrim paraqitjeje për dy gazetarët, Sali Berisha: Artan Hoxha anëtar i bandës Bajri! T'i hiqet masa Qynos
25 Nëntor, 17:31
