POP 5

Lajmet më të lexuara të 5 minutave të fundit

Kronikë

Rregullat anti-COVID, Veliu inspektime në Vlorë, urdhër policëve: Veproni me zero tolerancë, s'është e vështirë mbyllja e muzikës e lokaleve! Mos u stepni nga asnjë telefonatë

Veliu i kërkoi efektivëve në terren që  të veprojnë në terren me zero tolerancë, ndërsa thotë se nuk është e vështirë as mbyllja e muzikës dhe as e lokaleve. Po ashtu Veliu theksoi se të gjithë pronarët e lokaleve duhet të trajtohen njësoj, duke i kërkuar policëve që të mos "tremben nga asnjë telefonatë".

Kreu i Policisë së Shtetit, Ardi Veliu, ishte mbrëmjen e djeshme i pranishëm në Vlorë, ku inspektoi nga afër respektimin e masave anti-COVID.

Gjatë bisedës me shërbimet në terren Veliu i kërkoi tyre të veprojnë në terren me zero tolerancë, ndërsa thotë se nuk është e vështirë as mbyllja e muzikës dhe as e lokaleve. Po ashtu Veliu theksoi se të gjithë pronarët e lokaleve duhet të trajtohen njësoj, duke i kërkuar policëve që të mos "tremben nga asnjë telefonatë".

"Nuk është e vështirë as mbyllja e muzikës dhe as e lokaleve, në rast se ju veproni me zero tolerancë. Mos u stepni nga asnjë telefonatë, zbatoni ligjin me një standard, duke i trajtuar në mënyrë të barabartë të gjithë pronarët e lokaleve. Kontrolloni në mënyrë permanente territorin dhe shërbejuni me përkushtim dhe etikë qytetarëve. Ndihmoni pushuesit sa herë që kanë nevojë për ndihmën policore duke reaguar në kohë dhe do të keni gjithë mbështetjen e drejtuesve tuaj, por edhe timen", theksoi ai.

Drejtori i Përgjithshëm i Policisë i kërkoi drejtuesve vendorë të Policisë Vlorë rritjen e efikasitetit të shërbimeve në terren, me qëllim parandalimin e ngjarjeve kriminale, konflikteve, zhurmave e prishjes së qetësisë publike.

Kujtojmë se pronarët e lokaleve në Lungomare të Vlorës u ngritën në protestë, duke kërkuar zgjatjen e orës policore, ndërsa pas kësaj Komiteti i Ekspertëve mori vendimin për zgjatjen me një orë të këtij orari, duke e çuar deri në orën 23:00.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Redi: 26/07/2021 03:47

    Cfare masash anti kovid more, dhe nga kush, Policia?! Kaq injorante jane. Zot i madh.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu