'Rrëmbyen' nipin 3-vjeçar në Durrës, Gjykata e Apelit ndryshon masën e arrestit për Rexhep Gjunin dhe Arben Selajn

'Rrëmbyen' nipin 3-vjeçar në Durrës, Gjykata e Apelit ndryshon masën e arrestit për Rexhep Gjunin dhe Arben Selajn

Rexhep Gjuni në seancë

TIRANË - Gjykata e Apelit ka vendosur ndryshimin e masës së sigurisë për Rexhep Gjunin dhe kunatin e tij Arben Selaj, nga masa arrest në burg, në masën arrest shtëpie. Ata u bënë protagonistë në qytetin e Durrësit teksa Gjuni mori nipin e tij 3-vjeçar dhe e mbajti fshehur për rreth 1 javë duke mos treguar vendodhjen.

Fillimisht për ta u caktua masa e arrestit në burg, por në seancën e sotme Apeli vendosi ndryshimin e masës duke mos lejuar që të dy të mos komunikojnë me askënd tjetër përveçse me familjarët e tyre në shtëpi.

'- Ndryshimin e ketij vendimi përsa i përket masës së sigurimit ndaj personave nën hetim R. Gj dhe A. S, si me poshte:

- Caktimin ndaj personit nen hetim R. Gj masën e sigurimit personal “Arrest në shtëpi”, parashikuar nga neni 237 të K.Pr.Penale.

- Urdhërohet personi nën hetim R. Gj që të mos largohet nga banesa e tij…

 - Urdhërohet personi nën hetim R. Gj që gjatë qëndrimit të tij në banesë nën masen e sigurimit "Arrest në shtëpi" të mos komunikojë me çfarëdo lloj komunikimi me persona të tjerë, me përjashtim të atyre me të cilët ai bashkëjeton.

-Urdhërohet lirimi i menjëhershëm i të ndaluarit R. Gj nga dhomat e paraburgimit, nëse ai nuk mbahet për ndonjë vepër tjetër penale, masë tjetër sigurimi apo dënim të dhënë me vendim gjyqësor.

- Urdhërohet shërbimi i policisë gjyqësore për ekzekutimin e këtij vendimi, duke e shoqëruar shtetasin R. GJ nga vendi ku ai po mbahet, deri në banesën e tij.

- Caktimin ndaj personit nen hetim A. S masën e sigurimit personal “Arrest në shtëpi”, parashikuar nga neni 237 të K.Pr.Penale.

- Urdhërohet personi nën hetim A. S që të mos largohet nga banesa e tij…

- Urdhërohet personi në hetim A. S që gjatë qëndrimit të tij në banesë nën masen e sigurimit "Arrest në shtëpi" të mos komunikojë me çfarëdo lloj komunikimi me persona të tjerë, me përjashtim të atyre me të cilët ai bashkëjeton.

-Urdhërohet lirimi i menjëhershëm i të ndaluarit A. S nga dhomat e paraburgimit, nëse ai nuk mbahet për ndonjë vepër tjetër penale, masë tjetër sigurimi apo dënim të dhënë me vendim gjyqësor.

- Urdhërohet shërbimi i policisë gjyqësore për ekzekutimin e këtij vendimi, duke e shoqëruar shtetasin A. S nga vendi ku ai po mbahet, deri në banesën e tij

- Urdhërohet prokuroria dhe policia gjyqësore të zbatojnë vendimin e gjykatës dhe të kontrollojnë urdhërimet që i janë dhënë personave nën hetim R. Gj dhe A. S me këtë vendim gjyqësor.', thuhet në njoftimin e policisë.

Djali i vogël, Amari u dërgua tek gjyshërit prej mamasë së tij si çdo fundjavë, por ata refuzuan ta kthenin nipin tek e ëma, duke thënë se nuk dinte ku ishte.

Gjyshërit morën fëmijën e djalit të tyre, të vdekur një vit më parë nga një aksident, pasi donin ta hiqnin nga duart e nënës së tij 23-vjeçare Ile Gjuni dhe ta rrisnin vetë.

Ishte gjyshi ai që e organizoi ‘zhdukjen’ e përkohshme të 3-vjeçarit së bashku me kunatin e tij. por më pas fëmija u gjet tek disa kushërinj në Has të Kukësit. Për këtë gjyshi dhe kunati u lanë në masën ‘arrest në burg’ dhe tashmë pas apelimit do të dërgohen në shtëpi.

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria luan ndaj Kroacisë sfida e dytë në Euro 2024, kush fiton?



×

Lajmi i fundit

Euro 2024/ 'Gjelat këndojnë' në Dusseldorf, Franca fiton 0-1 me vuajtje ndaj Austrisë! Vendos një autogol

Euro 2024/ 'Gjelat këndojnë' në Dusseldorf, Franca fiton 0-1 me vuajtje ndaj Austrisë! Vendos një autogol