Rreth 120 nxënës rrezikojnë jetën rrugës për në shkollë, në mungesë të mbikalimit detyrohen të kalojnë përmes aksit nacional Gjirokastër-Tepelenë

Gati 120 nxënës nga Njësia Administrative Cepo në Bashkinë e Gjirokastrës të cilët frekuentojnë Shkollën e Mesme të Bashkuar "Bilal Golemi" pranë Urës së Kardhiqit  çdo ditë ndihen të rrezikuar.

Ata të detyruar kalojnë përmes rrugës nacionale Gjirokastër-Tepelenë pasi në të mungon mbikalimi.

Nxënësit jashtë kamerave shprehen tepër të frikësuar dhe pohojnë se shpesh herë shoqërohen nga prindërit e tyre ose behën 3-4 shokë bashkë dhe kalojnë rrugën. Shoferi i një automjeti ne zonë pohon se ky vend quhet ndryshe edhe pika e vdekjes ku shteti duhet të kishte marrë masa që në momentin që u investua në rehabilitimin e aksit duke ndërtuar mbikalime apo dhe nënkalime.

“Mbikalimi është i vështirë, por ato punë duhen bërë që në gusht, që kur u planifikua rruga nga specialistë, e rrezikshme është për njerëzit e bagëtitë”, u shpreh një shofer.

Pranë Urës së Kardhiqit në Gjirokastër vitet e fundit janë shënuar 6 aksidente më pasojë vdekje, kujtojmë se i gjithë aksi nacional që përfshin qarku i Gjirokastrës që nga Memaliaj deri në pikën kufitare të Kakavijës, nuk ka asnjë mbikalim dhe në të, janë shënuar dhjetëra aksidente me pasoja fatale.

 

S.C/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Pagoi Nuredin Dumanin që t'i vriste gruan, Prokuroria kërkon 6 vite e 6 muaj burg për ish avokatin Alban Bengasi

Pagoi Nuredin Dumanin që t'i vriste gruan, Prokuroria kërkon 6 vite e 6 muaj burg për ish avokatin Alban Bengasi