POP 5

Lajmet më të lexuara të 5 minutave të fundit

Sociale

Rreth 5 milionë euro investime, Shijaku ‘thahet’ për ujë! Banorët: Nuk na del për ta blerë, shkon 2 mijë lekë në ditë

Banorët e Shijakut vuajnë mungesën e ujit në çezma. Ata detyrohen të blejnë me bote pasi me ujin e rrjetit furnizohen vetëm gjysmë ore në ditë. Për ujësjellësin janë investuar 5 milionë euro nga qeveria por ende problematika nuk ka marrë zgjidhje. Përgjegjësi i ujësjellësit tha se punimet për tubacionin kryesor ende nuk kanë përfunduar.

Dëshmi e thatësirës në qytet është shatërvani pa ujë në sheshin e rilindur të Shijakut. Mungesa e ujit të pijshëm në çezma është shqetësimi kryesor i banorëve të qytetit dhe fshatrave përreth. Në çdo hyrje pallati dhe në çdo çati shtëpie sheh depozita e cisterna. Banorët tregojnë se uji i rrjetit vjen vetëm me orare të kufizuara, vetëm një herë në ditë në qytet, ndërsa në fshatra furnizohen një në tre ditë.

"Kur vjen vjen kur s'vjen na ka luajtur mendsh. Duke blerë nuk na del, 170 mijë lekë pension në muaj marr unë. Për të blerë botin kushton 10 mijë lek (të vjetra). Ka një javë që e kanë sjellë një herë në tre ditë, gjysmë ore ujë. Jemi 5 vetë në familje, 20 mijë lekë (2 mijë lekë të reja) në ditë më shkojnë për të blerë ujë", thanë të moshuarit.

"Banoj në lagjen "kodra" kemi 6 muaj që vuajmë nga mungesa e ujit. Një herë në 3 ditë vjen uji për 30 minuta. S'ka orar të saktë 6 të mëngjesit ndonjerë në 4 të pasdite. Prej 6 muajsh në këtë situatë vetëm duke blerë. 20 mijë lekë një bot uji. Ne jemi tre familje në një godinë dhe detyrojmë të blejnë dy bote, 40 mijë lek për ujë të pijshëm. janë harxhuar 4.8 mld leke për dy tenderë nga Balluku dhe Bashkia, ndërkohë që ne s'kemi ujë", thanë banorët.

Furnizimi me ujë është një problematikë disa vjeçare në Bashkinë e Shijakut, por ende s'ka marrë zgjidhje edhe pse janë bërë dy tenderë me vlerë 5 milionë euro  nga Ministria e Infrastrukturës dhe Bashkia e Shijakut.

I kontaktuar nga Report TV, përgjegjësi i Ujësjellës Kanalizimeve, Ivo Doçi tha se investimi parë me vlerë 331,619,838.3 lekë për rikonstruksionin e rrjetit shpërndarës të qytetit ka përfunduar, ndërsa ende po punohet për investimin e dytë me vlerë për 247,129,485.5 për tubacionin kryesor nga stacioni pompimit të Fushë Krujës deri në depon Shore.

/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Aldo: 12/08/2022 22:18

    Ky eshte kryetari pd shijak qe flet. Mund ta jepte dhe nga zyra injoranti analfabet

    Përgjigju
  • Tino: 12/08/2022 18:59

    Po shijaku eshte bashki model tha KM para nje jave

    Përgjigju
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje për ne! Sekretari i OMONIA-s: Jemi urë komunikimi mes vendeve

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje për ne! Sekretari i OMONIA-s: Jemi urë komunikimi mes vendeve

15 Janar, 19:31