Receta

Ekmek kadaif, receta më e famshme e kadaifit me krem pastiçerie nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 12 Qershor, 11:30 | Përditesimi: 12 Qershor, 11:39

Kadaif me krem

Përbërësit:

500 gr kadaif
Gjalpë i tretur
Kanellë
Arra

Për sherbetin:

LEXO EDHE:
Sallatë ruse nga zonja Albana

3-4 gota ujë
2 gota e gjysëm sheqer
1 shkop kanelle
Lëkurë portokalli

Për kremin e pastiçerisë:

5 të verdha vezësh
150 gr sheqer
2 e ½ lgj miell
500 ml qumësht
Lëkura e 1 limoni /portokalli
Vanilje

Shtresa dekoruese:

Pana ëmbëlsirash
Kanellë pluhur
Arra të thërrmuara

Përgatitja:

Në një tepsi hapim kadaifin, e mbulojmë me arra, gjalpë e kanellë dhe e pjekim në 180° derisa të marrë një ngjyrë të bukur. Ndërkohë përgatisim sherbetin dhe pasi kadaifi të jetë ftohur e sherbetosim me sherbetin e ngrohtë, por sa të njomet kadaifi mirë, jo që sherbeti të dalë sipër. Përgatisim kremin e pastiçerisë duke rrahur bashkë të verdhat e vezëve me miellin, sheqerin dhe vaniljen derisa të kemi një masë kremoze e homogjene. Qumështin e nxehim bashkë me lëkurën e portokallit/limonit. Heqim lëkurën dhe nisim shtojmë pak nga pak qumësht te vezët duke e përzier. E shtojmë në tenxhere dhe e përziejmë në zjarr të ulët sa të trashet masa. E shtrojmë kremin mbi kadaif dhe më pas vendosim shtresën e fundit me pana të rrahur, kanellë pluhur dhe arra të thërrmuara. E vendosim ëmbëlsirën në frigorifer për disa orë dhe më pas e kemi gati për ta konsumuar.

MC/Shqiptarja.com

TAG: