Rreziku për pushtimin e Ukrainës nga Rusia, Biden kërcënon se do të ndërmarrë sanksione ndaj Putin: Pasoja të rënda të presin

Shtetet e Bashkuara të Amerikës po bëjnë gjithçka për të shmangur një luftë në Ukrainë, përfshirë këtu edhe kërcënimet e drejtpërdrejta të presidentit rus, Vladimir Putin.

Presidenti i SHBA Joe Biden thotë se do të ndërmerren sanksione personale ndaj Vladimir Putin nëse Rusia pushton Ukrainën. Biden tha se do të kishte "pasoja të mëdha" për botën nëse Rusia bën një lëvizje ndaj kombit, i cili ndodhet në kufirin e saj jugperëndimor.

“Do të ketë pasoja të mëdha nëse ai do të hynte dhe do të pushtonte, nëse do të mundet, të gjithë vendin, ose shumë më pak se kaq. Një zhvillim i tillë, nuk do të sillte pasoja të mëdha ekonomike dhe politike vetëm për Rusinë, por për mbarë botën. Do të ishte pushtimi më i madh, nëse ai do të futej me të gjithë forcat, pushtimi më i madh që nga Lufta e Dytë Botërore. Do të ndryshonte botën”, tha Biden.

Komentet e tij erdhën pasi udhëheqës të tjerë perëndimorë përsëritën paralajmërimet se Rusia do të paguante një çmim të rëndë për pushtimin. Rusia ka akuzuar SHBA-në dhe të tjerët për "përshkallëzimin e tensioneve" mbi këtë çështje dhe mohon planifikimin për të hyrë në Ukrainë.

Megjithatë, Moska ka vendosur rreth 100,000 ushtarë pranë kufirit. Kremlini ka thënë se e sheh aleancën ushtarake perëndimore NATO-n si një kërcënim sigurie dhe po kërkon garanci ligjore që nuk do të shtojë anëtarë të rinj më në lindje, duke përfshirë Ukrainën fqinje.

Por SHBA ka thënë se çështja në lojë është agresioni rus, jo zgjerimi i NATO-s. Frika e pushtimit ka bërë që ambasadat perëndimore në Kiev të tërheqin një pjesë të personelit.

Diplomatët nga Rusia, Ukraina, Gjermania dhe Franca do të mblidhen në Paris të mërkurën për bisedime rreth tensioneve të vazhdueshme.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A bënë zgjedhjen e duhur demokratët duke rikthyer në krye Sali Berishën?



×

Lajmi i fundit

John

Zelensky thirrje liderëve botërore: Vendosni sanksione "maksimale" kundër Rusisë