POP 5

Lajmet më të lexuara të 5 minutave të fundit

Arkiva

Rrëzohet avioni në San Francisco
 2 të vdekur, 182 plagosen

Një avion udhëtarësh 'Boeing 777', i cili vinte nga Seuli është rrëzuar në aeroportin e San Francisco-s në SHBA, teksa po bënte ulje të detyruar. Flakët kanë qenë të mëdha sipas dëshmitarëve.
KALIFORNI-   Avioni Boeing 777, i kompanisë Koreano jugore Asiana me 307 persona në bord i cili vinte nga Seuli dhe u rrëzua gjatë zbritjes në ulje të detyruar në aeroportin ndërkombëtar të San Franciskos shkaktoi të paktën 2 të vdekur, 1 të zhdukur dhe dhjetra të tjerë të plagosur. 

Në momentin e zbritjes avioni mori flakë dhe pamjet tregonin se gjatë përplasjes avioni u shkaktoi shtëllunga të mëdha tymi. Fillimisht nuk u raportua për viktima, por më pas forcat zjarrfikëse raportuan për të paktën dy të vdekur- të dy shtetas kinezë, 182 të plagosur, mes të cilëve 49 janë në gjendje kritike, ndërsa 123 pasagjerë të tjerë janë të lënduar.
 
"8 të rritur dhe dy fëmijë kanë plagë të rënda dhe po mjekohen në spitalin e San Franciscos" tha zëdhënësi i këtij spitali Rachael Kagan.

Si pasojë e gjendjes së krijuar Administrata Federale e Aviacionit anuloi fluturimet nga San Francisko. CNN transmetoi pamjet e avionit të xhiruara nga lartë por në një distancë relativisht të afërt. Në to shihej avioni i përplasur në pistë me bark, një pjesë e djegur dhe e shkatërruar në pjesën e çatisë, ndërsa bishti i mjetit është këputur.

avioni

Sipas një prej pasagjerëve, në bordin e avionit ka persona të plagosur. David Eun, një ekspert i mediave dixhitale ka shkruar në Twitter:

“Flakë dhe skuadra shpëtimi gjithandej. Po evakuojnë të plagosurit. Nuk ndihesha kështu që prej 11 shtatorit”. Ka qenë pikërisht Eun që ka publikuar foton e parë të avionit pa bishtin e tij.

Shumica e pasagjerëve duket mirë. Unë jam në rregull”, ka qenë një tjetër mesazh i publikuar po në Twitter nga një pasagjer i identifikuar me emrin Joe Passantino.

avioni 1
avioni 2

Redaksia Online
(e.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Ngecën në rrugën e vjetër Korçë - Ersekë, policia u shkon në ndihmë 13 qytetarëve

Ngecën në rrugën e vjetër Korçë - Ersekë, policia u shkon në ndihmë 13 qytetarëve

12 Janar, 23:13