POP 5

Lajmet më të lexuara të 5 minutave të fundit

Shëndeti

Bota

Rriten rastet e reja Covid, Bullgaria rivendos kufizimet! Rumania e frikësuar nga përhapja e infeksioneve

Autoritetet bullgare kanë rivendosur disa masa kufizuese në vend për të luftuar pandeminë Covid, për shkak të rritjes së konsiderueshme të infeksioneve ditët e fundit

Rriten rastet e reja Covid, Bullgaria rivendos kufizimet! Rumania e frikësuar nga përhapja e infeksioneve

Autoritetet bullgare kanë rivendosur disa masa kufizuese në vend për të luftuar pandeminë Covid, për shkak të rritjes së konsiderueshme të infeksioneve ditët e fundit.

Një urdhër nga Ministria e Shëndetësisë që ka hyrë në fuqi sot, parashikon zhvillimin pa publik të të gjitha ngjarjeve sportive, në terrene të hapur dhe të mbyllur. Ndalohen festat dhe ceremonitë me mbi 30 persona. Mbyllen klubet e natës dhe diskotekat.

Në Bullgari në 24 orët e fundit janë regjistruar 330 raste të reja të koronavirusit (nga të cilat 140 në kryeqytetin Sofje). Ky është një rekord absolut që nga fillimi i epidemisë në vendin e Ballkanit. Sipas raportimeve, numri i numri i përgjithshëm i viktimave është rritur në 262 dhe 23.374 persona janë në karantinë.

Pas një faze fillestare të kontrollit relativ të situatës pandemike, Rumania është gjithashtu e shqetësuar nga rritja e rasteve të reja Covid
Vendi ka regjistruar numrin më të madh të infeksioneve të përditshme deri më tani, në disa qytete, përfshirë kryeqytetin, Bukureshtin, në qendër të shpërthimeve të infeksionit.
Autoritetet në vend i kanë kërkuar popullatës që të respektojë në mënyrë skrupuloze rregullat themelore të higjienës dhe distancës sociale, megjithatë në horizont nuk duken plane për të rikthyer kufizimet.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02