Rriten rastet e infektimit me COVID-19, Tetova pritet tu nështrohet masave të reja kufizuese

Qyteti i Tetovës pritet t’iu nënshtrohet masave të reja anti-COVID. Ky lajm është bërë me dije nga ministri i Shëndetësisë Venko Filipçe i cili është shprehur se është e nevojshme të merren masa të reja sepse numri i të infektuarve po rritet.

Ministria e Shëndetësisë dhe Komisioni për Sëmundjet Infektive i kanë rekomanduar Qeverisë planin e ri të masave. Në këtë plan parashikohet që të ndalohen të gjitha eventet si dasmat apo festat e tjera. Ndërsa ambientet e brendshme të restoranteve nuk duhet të mbushen më shumë se 30% e kapacitete, teksa në tavolinë do të lejohen vetëm 4 persona.

“Objektet e hotelierisë nuk duhet të mbushin më shumë se 30% të kapaciteteve ndërsa tavolinat nuk duhet të kenë më shumë se katër persona. Zbatimi i këtyre masave do të pasohet nga kontrolle të intensifikuara. Qytetarët duhet të kuptojnë se kjo masë është e nevojshme. Do të përforcojmë aktivitetet në terren në mënyrë që të rritet imunizimi, sepse është e qartë se vetëm me vaksinim mund të parandalojmë përhapjen dhe rreziqet e sëmundjeve të rënda tek pacientët”, ka thënë Filipçe.

LEXO EDHE:
Mali i Zi dhe Shqipëria përpara, të tjerët mbeten të bllokuar

Gjendja epidemiologjike në qytetin e Tetovës në Maqedoninë e Veriut është përkeqësuar. Vetëm brenda një muaji në këtë qytet numri i të infektuarve është rritur nga gjashtë në 229 të infektuar. Në Tetovë aktualisht ka 379 raste aktive me COVID-19.

TAG:
• tetove
• Maqedonia e Veriut
• Koronavirus

Sondazhi i ditës:

Si ka qene per ju viti 2024?

• I mire

  43.5%

• I keq

  22.7%

• As i mire as i keq

  33.8%

Vota total: 1553

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq