TIRANË- Kjo e martë ka shënuar një rekord rastesh të reja me COVID-19, të cilat janë regjistruar atëherë kur vendi ynë ka regjistruar kulmin e pandemisë. Plot 800 raste të reja gjatë 24 orëve të fundit, të cilat kanë ardhur si rezultat i 5018 testimeve të kryerja. Rritja e rasteve të reja është parë nga ekspertët si reflektim i mbërritjes së variantit Delta të COVID, teksa është vënë re edhe një rritje të të shtruarve në spitalin Infektiv, të vetmin spital COVID në vendin tonë. Aktualisht te Infektivi janë të shtruar 90 nga 120 shtretër që është kapaciteti maksimal i Infektivit .
Betejën me këtë virus e kanë humbur 2 persona, një qytetar 62 vjeç nga Lezha dhe një qytetar 72 vjeç nga Saranda duke e çuar në total numrin e viktimave në Shqipëri që nga fillimi i pandemisë në 2480. Nga ana tjetër, aktualisht janë 6433 pacientë aktivë me COVID-19 në të gjithë vendin, shifër e cila ka pësuar sërish një rritje krahasuar me pak javë më parë. Teksa numri i rasteve të reja vijon të pësojë rritje nga dita në ditë, nuk ndodh e njëjta gjë me numrin e të shëruave. Sot janë shëruar 157 qytetarë gjatë 24 orëve të fundit, duke e çuar numrin e të shëruarve në 131,608 që nga fillimi i epidemisë.
Nisur nga rritja e numrit të rasteve, ekspertët vënë theksin në vaksinimin e qytetarëve dhe që të shfrytëzohen ditët që janë të hapura për vaksinimin masiv për mbi 18-vjeç i cili do të vijojë edhe përgjatë shtatorit.
Shpërndarja e rasteve të reja
160 raste në Tiranë, 134 në Shkodër, 53 në Durrës, 44 në Vlorë, 39 në Lezhë, 38 në Fier, 36 në Berat, 33 në Kamëz, 30 në Sarandë, 29 në Kavajë, 25 në Lushnje, 24 në Elbasan, 18 në Vau i Dejës, 14 në Malësi e Madhe, 13 në Gramsh, nga 9 raste në Kukës, Krujë, Gjirokastër, 8 në Kurbin, nga 6 raste në Korçë, Pogradec, nga 5 raste ne Peqin, Mat, nga 4 raste në Mallakastër, Libohovë, Tepelenë, nga 3 raste në Kuçovë, Përmet, Himarë, Divjakë, Roskovec, Has, nga 2 raste në Mirditë, Vorë, Delvinë, Këlcyrë, Devoll, Dimal, Librazhd, Prrenjas, nga 1 rast në Poliçan, Skrapar, Kolonjë, Maliq, Patos, Dibër, Rrogozhinë.
Statistika (24 Gusht 2021)
Raste të reja ditore 800
Të shëruar në 24 orë 157
Të shtruar në spitale 90
Humbje jete në 24 orë 2
Testime ditore 5018
Testime totale 1,005,541
Raste pozitive 140,521
Raste të shëruara 131,608
Raste Aktive 6433
Humbje jete 2,480
Shpërndarja gjeografike e rasteve aktive sipas qarqeve
Tiranë 2441
Shkodër 1079
Vlorë 600
Fier 525
Durrës 415
Lezhë 320
Elbasan 304
Berat 241
Gjirokastër 195
Korçë 150
Kukës 93
Dibër 70
Sikurse muaji gusht, edhe shtatori do të jetë një muaj i hapur vaksinimi kundër COVID për personat mbi 18-vjeç. Lajmi u bë sot i ditur nga Ministrja e Shëndetësisë, Ogerta Manastirliu, e cila i bëri apel qytetarëve që t'i drejtohen qendrave të vaksinimit pa hezituar.
“Shtatori do të jetë një muaj vendimtar për të rritur mbulesën vaksinale, ndaj kemi vendosur që sërish të jetë një muaj i hapur për vaksinimet e çdo qytetari mbi 18 vjeç. Le t’i shfrytëzojmë këto ditë për të mbrojtur jetën dhe shëndetin, duke u vaksinuar sa më parë, për të garantuar mbarëvajtjen e vitit të ri shkollor që po afron, të aktiviteteve të biznesit dhe jetës sonë të përditshme”, tha Manastirliu.
Ministrja nuk u tregua shumë optimiste për muajt në vijim, teksa u shpreh se vjeshta dhe dimri, me shumë gjasa do të sjellin një valë tjetër të COVID, duke shtuar se janë marrë të gjitha masat për ta përballuar atë.
"Përpara kemi vjeshtë-dimrin dhe me gjasë do kemi përballjen me një valë të COVID. Në planin tonë të përballjes me Covid, sipas skenarëve të hartuar nga ekspertët tanë, kemi parashikuar të gjitha masat dhe ndërhyrjet, për t’iu përgjigjur me kapacitete të fuqizuara, në të gjitha nivelet e sistemit tonë shëndetësor situatës dinamike të epidemisë së Covid19. Jemi përgatitur të shtojmë stafet në shërbim të testimit dhe vaksinimit, si edhe të trajtimit të pacientëve që do të kenë nevojë për kujdes mjekësor. Në Institutin e Shëndetit Publik po rrisim kapacitetet e testimit me aparatura të reja laboratorike. Flota e autoambulancave të Urgjencës Kombëtare do të shtohet sërish me 20 autoambulanca të reja, për t’iu përgjigjur edhe më shpejt, edhe më mirë, flukseve potenciale në muajt e ardhshëm", u shpreh ministrja.
Duke folur për situatën epidemiologjike në vend, Manastirliu tha se është vënë re një rritje me rreth 5 herë të rasteve të infektimit, krahasuar me periudhën e mëparshme.
“Të dhënët epidemiologjike të dy javëve të fundit tregojnë një rritje me rreth 5 herë të rasteve të infektimeve krahasuar me periudhën e mëparshme. Në Spitalin Infektiv ndodhen të shtruar 84 pacientë. Ka prej tyre janë në gjendje më të rëndë dhe po trajtohen në terapi intensive. E përbashkëta e shumicës së pacientëve që këto ditë gushti, që po vuajnë dhe format më të rënda të sëmundjes, është se nuk janë të vaksinuar. Mjekët që shërbejnë me përkushtim në Spitalin Infektiv raportojnë se përgjatë kësaj periudhe ka patur edhe disa raste të të shtruarve të cilët kanë qenë të vaksinuar, por shprehen optimistë për gjendjen shëndetësore të pjesës dërrmuese të pacientëve që janë vaksinuar dhe e kanë përgatitur organizmin, për përballjen me virusin”, tha Manastirliu.
Vaksinimi masiv po vijon nëpërmjet njësive të lëvizshme në komunitet, në pikat e përqëndruara te vaksinimit dhe në qendrat shëndetësore. Deri tani kanë mbërritur në vendin tonë 1,899,172 vaksina antocovid. Prej fillimit të vaksinimit janë kryer në total 1,386,713 doza të vaksinës ndaj COVID19. Prej tyre 594,050 qytetarë i kanë kryer të dy dozat e vaksinës.
Lajme të tjera
-
Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë
25 Dhjetor, 10:17 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Magjia e Krishtlindjeve, qindra qytetarë shijojnë koncertin festiv në sheshin 'Skënderbej'! Veliaj: Kemi transformuar Tiranën
24 Dhjetor, 19:35 -
Vigjilja e Krishtlindjeve sjell trafik të rënduar në Tiranë e Vlorë, dyndje mjetesh në hyrje dhe dalje të kryeqytetit (VIDEO)
24 Dhjetor, 18:01 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Trafiku i rënduar, Report Tv sjell pamjet me dron, dyndje mjetesh në rrugët kryesore të Tiranës
24 Dhjetor, 16:19 -
Denoncimi/ 2-vjeçari me tumor në bark nuk nis dot kimioterapinë, mungon medikamenti ‘Actinomycin D’ në QSUT
24 Dhjetor, 16:04 -
Trafik i rënduar në aksin Tiranë-Elbasan, shqiptarët drejt Pogradecit e Korçës për festat e fundvitit
24 Dhjetor, 15:44 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Tiranë/ 22 vjeçari arrestohet brenda parkingut në QSUT, kapet me rreth 900 gr kokainë! I sekuestrohet municion luftarak në banesë
24 Dhjetor, 11:49 -
VIDEO/ 'Motërq***, b***q, a i çon lekë fëmijës... Hë e more rrogën sot?', Belind Këlliçi dështon sërish, nuk mbledh dot militantë e i hakërrehet policëve
24 Dhjetor, 11:36 -
Festat e fundvitit, fëmijët dhe prindërit e skuadrës së kryeministrisë festojnë së bashku
24 Dhjetor, 08:19
