POP 5

Lajmet më të lexuara të 5 minutave të fundit

Sociale

Rritet çmimi i patates në treg, 120 lekë/kg! Prodhim i pakët në fusha! Fermerët: Ngricat e pranverës dëmtuan prodhimin

Në treg ka hyrë patatja e re e fushave të Divjakës, por çmimi vijon të mbetet i lartë, deri në 120 lek/kg. Konsumatorët ankohen për çmimet e papërballueshme, ndërsa tregtarët dhe fermerët thanë se shkak është sasia e pakët e prodhimit.

Patatja, një ndër produktet që gatuhet më së shumti në familjet shqiptare, sot shitet me 100 deri në 120 lek për kg.

Report TV kreu një vëzhgim në tregjet e Tiranës ku rezulton se çmimi është tejet i lartë edhe pse ka dalë prodhimi i ri nga fushat e Divjakës.

“U rrit përnjëherë 100%. Tani nuk kemi çfarë të blejmë”, u shpreh një qytetar.

Nuk na leverdis. Jam vet i katëri. Marr 400 mijë lekë të vjetra. Me qira jam. Kënaqemi duke i parë. Patatja ka qenë 60 lekë. Dhe 3 kile një mijë lekë. Na thonë janë rritur çmimet tek shumica”, tha një tjetër qytetar.

Jo vetëm konsumatorët, por edhe tregtarët ankohen për çmimin e lartë, ndërsa theksojnë se një vit më para patatja ishte me 60 lek për kg.

“Populli ikën se nuk ka me çfarë ti blejë. Patatja është e Divjakës. 100 lekë me shumicë. Vitet e kaluara, kur del e reja, e vjetra është lirë. Por është shumë lart. Me shumicë e marrim 90 lekë, vjet e merrnim 40 lekë me shumicë”, tha një tregtare.

Report TV bisedoi dhe me fermerët në Divjakë, aty ku çmimi i shumicës është 70 lek për kg.

“Deri tani me 70 lekë. Po ua japim frigoriferëve. Ka edhe nga tregu i brendshëm, grumbulluesit. Për një dynym prisja 40 kuintal. Por do marr deri në 20 kuintal”, tha një fermer. 

“Do 4 herë spërkatje. Nuk ke ndonjë përfitim por nuk ke çfarë të bësh. Toka duhet punuar”, tha një tjetër. 

Shkak për çmimin e lartë thonë ata është prodhimi i pakët, pasi bimët u dëmtuan nga ngricat në pranverë.

“Është shumë dobët me prodhimin. 60-70 lekë. Pikat e grumbullimit dhe tregu i brendshëm. As 40% të prodhimit nuk marr. Lagështira dhe ngricat i dëmtuan. Në javë do 4 spërkatje 200 mijë lekësh”, tha një fermer tjetër.

Pjesa më e madhe e prodhimit shkon për tregun vendas, dhe një sasi e vogël për eksport.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03