Çmimet e larta pritet të gërryejnë xhepat e qytetarëve dhe bizneseve, kryesisht atyre të vogla e të mesme. Një rritje e mëtejshme e inflacionit sipas Shoqatës së Mikrofinancës mund të vështirësojë edhe shlyerjen e kredisë, nga klientët.
“Ne parashikojmë gjithashtu që sa do vijë e do të shtrëngohet situata sidomos në shlyerjen e kredive, por nuk parashikojmë që të shtrëngojmë masat për kredidhënien”, tha në takim Herjola Spahiu anëtare e Shoqatës së Mikrofinancës.
Rreziqet kryesore që identifikohen në një studim të kryer prej tyre kanë të bëjnë specifikisht me pasigurinë e shkaktuar nga lufta në Ukrainë.
-Inflacioni në rritje (6.2% në prill)
-Rritja e normave te interesit
-Rritja e nivelit te varfërisë ne vend dhe ulja e konsumit
-Situata financiare e mikro-ndërmarrjeve
-Konflikti i armatosur në Ukrainë
Sa i takon akuzave për interesa tepër të larta, Mikrofinanca thotë se ato vijnë si pasojë e kostove tepër të larta që kanë dhe rrezikut që marrin përsipër, duke financuar shtresat me të ardhura të ulta apo bujqësinë.
“Përveç se japim ato kreditë e vogla të shtrenjta ne ndihmojmë edhe shumë njerëz të mos bien në varfëri ose të dalin nga varfëria. Mikrofinanca është financuesi kryesor i bujqësisë, rreth 85% e financimit total ofrohet nga mikro-financa. Kostot e rrezikut dhe e provigjonit për mikrofinancën është shumë më e lartë se sa për bankat”, tha sekretarja e përgjithshme e Mikrofinancës Brunilda Isaj.
Por cilat janë komponentët që merren në konsideratë për normën bazë të interesit?
Sipas të dhënave të këtij sektori interesi maksimal për kredi konsumatore në vlera të vogla për banorë të zonave rurale ka arritur në 148%. Sa i takon kredive të biznesit për investime, norma maksimale ka arritur në 33.71%.
Si pasojë e kostove të larta dhe faktit që ata janë financuesit kryesor të bujqësisë me 85% të totalit të kredisë së dhënë për këtë sektor, Mikrofinanca kërkon edhe përfshirjen e tyre në skemat e garancive sovrane të qeverisë, në mënyrë që të ndahet rreziku që ata kanë, duke dhënë kredi shpejt dhe pa kolateral.
“Prej dy vitesh që mundohemi të bëhemi pjesë e garancisë për të ofruar kosto më të ulta për klientët, për të qenë deri diku të mbuluar me rreziqet që marrim përsipër dhe ne mund ti reflektojmë në marzhet që do të ofrojmë”, tha Isaj.
Sektori i bujqësisë është më pak i kredituari nga bankat, dhe rruga e vetme e tyre për financim është tek institucionet jo-banka, ndërkohë që interesat për sektorin arrijnë deri në 20%.
Lajme të tjera
-
Norma bazë e interesit u ul, BSH: Kreditë do jenë më të lira
12 Nëntor, 17:14
-
Deputetja e PD-së, Jorida Tabaku: Tre arsyet pse produktet ushqimore në Shqipëri janë më të shtrenjta krahasuar me vendet e BE-së
10 Nëntor, 13:00 -
Inflacioni ‘ngec’ në 1.9% aq sa ishte dhe në shtator, por shtrenjtimi i ushqimeve nuk ndalon! Çmimet e zarzavateve edhe më të kripura sesa vjet
8 Nëntor, 16:53
-
Banka e Shqipërisë lehtëson politikën monetare, ul normën bazë të interesit me 0.25%! Sjell norma më të ulëta të kredive
6 Nëntor, 16:12
-
Inflacioni po bie më shpejt se pritej, Sejko: Shqipëria e ka rikuperuar plotësisht goditjen e rritjes së çmimeve
16 Tetor, 15:53 -
Inflacioni ra në 1.9% në shtator, niveli më i ulët prej 2021! Por ushqimet vetëm shtrenjtohen
8 Tetor, 19:38
-
BSH: Kriza e inflacionit i përket së shkuarës! Bizneset pa punonjës edhe pse rritën pagat
15 Gusht, 16:57
-
S’ulet norma bazë e interesit! Rritja e pagave për të mbajtur stafin në rrezik për inflacionin, Sejko për mikrokreditë: Kemi zbatuar ligjin
7 Gusht, 17:04
-
Rritja e çmimeve mbetet e ulët, inflacioni zbret në 2.1% në qershor
10 Korrik, 07:24 -
Drafti i ri/ Rezerva materiale shtetërore do të aktivizohet edhe në kriza inflacioni, dhe jo vetëm në kohë luftë apo emergjence civile
19 Qershor, 12:45
-
Ndalon rënia! Inflacioni rritet për herë të parë këtë vit, shtrenjtohen ushqimet, qiratë dhe energjia elektrike
10 Qershor, 14:57
-
Inflacioni i qëndrueshëm, por më i ulët se në vendet e BE! Shtrenjtohet argëtimi e shërbimi arsimor
17 Maj, 16:27
