POP 5

Lajmet më të lexuara të 5 minutave të fundit

Politikë

Rritja e çmimit të naftës, PD: Vjedhje e pastër në xhepat e qytetarëve, qeveria të ndalojë abuzimin

Zëdhënësja e Partisë Demokratike, Mirela Karabina deklaroi sot se Shqipëria ka aktualisht çmimin më të lartë të naftës në rajon, ndërsa shtoi se qytetarët shqiptarë paguajnë 7 taksa për çdo litër karburant, nivel rekord krahasuar me vende të tjera në botë.

Rritja e çmimit të naftës, PD: Vjedhje e pastër në xhepat e qytetarëve, qeveria të ndalojë abuzimin

Mirela Karabina

Zëdhënësja e Partisë Demokratike, Mirela Karabina deklaroi sot se Shqipëria ka aktualisht çmimin më të lartë të naftës në rajon, ndërsa shtoi se qytetarët shqiptarë paguajnë 7 taksa për çdo litër karburant, nivel rekord krahasuar me vende të tjera në botë.

Në një deklaratë për mediet, Karabina u shpreh se një pjesë e këtyre taksave shkon në arkën e shtetit dhe dy prej tyre për kompanitë koncensionare.

“Rritja e çmimit të naftës në tregun shqiptar është vjedhje e pastër në xhepat e qytetarëve, për sa kohë që vendet e tjera e kanë më lirë se ne dhe ulja e çmimit në bursë nuk reflektohet në ndryshimin e çmimit te ne. Ne jemi në mesin e 25 vendeve me çmimin e naftës më të shtrenjtë në botë edhe pse jemi prodhues, të tri vendeve me çmimin e naftës më të shtrenjtë në Europë dhe me çmimin e naftës më të shtrenjtë në rajon”, theksoi ajo.

Sipas Karabinës, qeveria e ka në dorë uljen e çmimit të karburanteve duke ulur apo hequr përkohësisht taksa të caktuara, taksa të cilat po vështirësojnë çdo ditë jetesën e shqiptarëve.

“Sipas të dhënave zyrtare, shqiptarët paguajnë shumë më tepër taksa për një litër naftë krahasuar dhe me vendet e rajonit. Ulja e çmimit të karburantit do të ishte një lehtësim për vështirësinë që po kalojnë familjet shqiptare dhe që po i detyron të largohen nga vendi.

Mungesa e politikave të përshtatshme dhe mbështetjes me fonde buxhetore ka sjellë varfërinë e qytetarëve”, theksoi ajo.

Karabina i kërkoi institucioneve përkatëse të reagojnë dhe të marrin masa të menjëhershme për të ndaluar rritjen abuzive të çmimit të karburanteve.

M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ema: 09/10/2023 13:20

    keta kane rrjedhur te gjithe si parti

    Përgjigju
  • Ina: 09/10/2023 12:53

    Keto skane pune tjeter te opozites,vec mashtrime thone

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Biden: Rizgjedhja e presidentes proevropiane në Moldavi, dëshmi e 'dështimit' të Rusisë

Biden: Rizgjedhja e presidentes proevropiane në Moldavi, dëshmi e 'dështimit' të Rusisë

4 Nëntor, 18:19