Rritja e pagave, Rama: Fryt i përpjekjeve dhe punës sonë të përbashkët

Kryeministri Rama ka publikuar një foto në rrjete sociale për të risjellë edhe njëherë në vëmendje ambicien e qeverisë për të rritur pagat mesatare. Rama shkruan se shifra 900 euro, është fryt i përpjekjeve të mëdha të qeverisë dhe qytetarëve që kontribuojnë për ekonominë vendase me punën e vetë.

“PAGAT E REJA, falë të cilave paga mesatare në Shqipëri thuajse dyfishohet duke arritur majën historike të 900 Eurove në 2024, janë frut i një përpjekjeje të gjatë, këmbënguljeje e durimi të madh për reforma të vështira e masa të domosdoshme për ekonominë dhe për financat tona, rritjeje të të ardhurave falë rritjes së ekonomisë, tregtisë, investimeve publike e private, rritjes së prodhimit e të eksporteve, modernizimit të sistemit të mbledhjes së taksave përmes kompjuterizimit të transaksioneve në kohë reale, lehtësimit e rritjes së shpejtësisë së shërbimeve për biznesin falë digjitalizimit të tyre, forcimit të shtetit në tërësi dhe uljes së ndjeshme të korrupsionit në tatime e dogana, po mbi të gjitha, PAGAT E REJA janë frut i punës sonë të përbashkët, të çdo shqiptari e shqiptareje, që në shtet a në privat, kontribuon për ekonominë shqiptare me punën e vet.”- shkruan Rama.

TABELA E NDRYSHIMIT TË PAGAVE

PAGA MESATARE ishte 563 euro- Bëhet 900 euro

ADMINISTRATA PUBLIKE: Nga 49 000 lekë - Bëhet 81 000 lekë

MËSUESIT E ARSIMIT BAZË: Ishte 74 000 lekë - bëhet 95 000 lekë

MËSUESIT E CIKLIT TË MESËM: Mbi 1 milionë lekë

PEDAGOGËT: Paga bazë rritet + 20%

INFERMIERËT: Paga bazë 87 000 lekë, me shtesat mbi 90 000 lekë