Përhapja e Covid-19 në Evropë po rritet orë pas ore, ku Francë dhe Spanja tanimë kanë kaluar shifrën e një milion të infektuarve, ndërkohë që Organizata Botërore e Shëndetësisë ka ngritur shqetësimin se vendet po përballen me fluks të rënduar pacientësh, duke iu ofruar kulmit maksimumit të të prekurve dhe kolapsin e sistemit shëndetsor.
Franca, një nga dy shtetet, që vendosi shtetrrethimin duke detyruar popullsinë e saj prej rreth 46 milionë banorësh të ndjekin masa edhe më të rrepta kundër përhapjes së infeksionit, ka tejkaluar 1 milion të infektuar pas një rritje tjetër rekord të premten. Ndërkohë që presidenti francez gjatë një vizite në një spital, u shpreh se Francës do t’i duhet të jetojë më Covid-19 të paktën deri në verën e ardhshme.
Macron, tha se për momentin nuk ka në plan të reduktojë shtetrrethimet e vendosura për t’i bërë ballë virusit.
![](https://shqiptarja.com/template/img/NO_ALFA_Kuadrate shqiptarja.png)
“Kur dëgjoj shkencëtarët, me të cilët nuk has në mosmarrëveshje kur komunikoj, mund të them se presim që kjo situatë të zgjasë të paktën deri në verën e ardhshme. Çështja është se si të bashkjetojmë me virusin gjatë kësaj periudhe”, tha presidenti francez.
Gjermania po ashtu, kaloi të shtunën pragun e 10 mijë viktimave nga Covid-19. Ndërkohë që në lindje të Evropës, dhjetëra shtete po ashpërsojnë masat në përpjekje për të ulur prirjen e infeksionit dhe kontrolluar pandeminë.
Në Belgjikë, situata cilësohet si alarmante teksa vendi po vuan nga një rritje e konsiderueshme e numrit të të infektuarve, duke detyruar anulimin e të gjitha operacioneve apo konsultave jo-emergjente nëpër spitale, gjë e cila ka rritur shqetësimin e ekspertëve për ndikimin në shtimin e vdekjeve shtesë.
Situatë e tensionuar paraqitet edhe në Holandë ku autoritetet kanë thënë se në rast se prirja vijon me intensitetin aktual, në fund të nëntorit do të duhet të përshtatin shërbimet e treçerekut të spitaleve.
Prej fillim-vitit 2020, kur Evropa u përfshi nga pandemia e COVID-19, numri i personave të prekur në gjithë kontinentin ka shkuar në rreth 8.2 milionë, prej së cilëve 258 mijë kanë humbur jetën.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)