Deklarata e plotë e Cakës:
"Rrugë ne nuk do bëjmë më, sepse nuk iu pa hajri rrugëve në zonat rurale për kaq shumë vite."
Kjo duket si një deklaratë e papërgjegjshme e Kryeministrit tonë të papërgjegjshëm, por në fakt ka të drejtë! E për çfarë i duhen rrugët e fshatrave këtij, kur kanabisin e mbjellin në mes të qytetit?!
Për çfarë nevojiten rrugët e fshatrave tani, pasi ua morën votën me premtimin se do t'a bënin fshatin qytet?!
![](https://shqiptarja.com/template/img/NO_ALFA_Kuadrate shqiptarja.png)
Pse të harxhojë lekë nga buxheti i shtetit, nga xhepat e shqiptarëve ky për rrugët e fshatrave, kur ato lekë ia jep arkadash Xhengizit dhe na ndërton një aeroport në Vlorë, që do t'a mjelë Xhengizi me Xhelal Qoftexhiun, ndërsa shqiptarët do t'u mbajnë pishën?!
Mirë e bëre o zoti Kryeministër, nuk kanë ç'i duan rrugët fshatarët! Harbohen fare ata po u bëre edhe rrugët; nuk të vijnë më nëpër ato shfaqjet e tua me kukulla dhe buratinë lokalë dhe pastaj nuk ke me kë të tallesh. Hallall e paç votën e tyre!
Një pyetje në fund do ma lejosh: atë rrugën e Surrelit do t'a zhbësh, apo deklarata nuk ka efekt prapaveprues?!
d.b/shqiptarja.com
![](https://www.shqiptarja.com/template/img/sh_logo1.png)