POP 5

Lajmet më të lexuara të 5 minutave të fundit

Sociale

Rruga Elbasan-Përrenjas njollë e zezë aksidentesh, barrierat e dëmtuara nuk riparohen nga ARRSH! Banorët: Të merren masa sa më shpejt

Shumë rrugë të vendit edhe pse janë nacionale, nuk ofrojnë asnjë siguri për shoferët. Një prej tyre është edhe ajo Elbasan-Përrenjas, ku në shumë segmente barrierat janë dëmtuar nga aksidentet dhe nuk janë riparuar nga ARRSH-ja.

Aksi rrugor Elbasan-Përrenjas është një ndër akset më kryesore ku çdo ditë kalojnë qindra automjete, por barrierat mbrojtëse të rrugës në disa vende kanë dalë jashtë funksionit, kjo sepse nga aksidentet që kanë ndodhur janë dëmtuar këto barriera dhe nuk është marrë asnjë masë  për ti rregulluar. Enti pronar i këtij segmenti rrugor është ARRSH dhe e mirëmban kompania “T2”.

Kthesat e rrezikshme, në shumë vende edhe mungesa e barrierave mbrojtëse, por edhe rrëshqitja e dherave dhe gurëve ka për që shumë automjetet të aksidentohen e shpesh të përfundojnë edhe në lumin Shkumbin. Shenjat janë të pranishme kudo.

Të shqetësuar banorë të zonës kërkojnë që riparimet përveç se të bëhen sa më shpejt, dhe vendet boshe të plotësohet me barriera, duan që ato të jenë cilësore që të mos ketë më raste tragjike.

“Është shqetësuese, duhet riparë sa më shpejt. Aksidentet janë të shumta. Deri në Përrenjas është katastrofë. Nuk kanë cilësi”, tha një banor.

“Nuk janë cilësore barrierat. Mënyra e vendosjes. Një makinë me tonazh të vogël, bie poshtë. Ajo duhet të mbajë kamionin. Duhet të ishte me dy kalime, jo me një. Kryesorja është se pjesa më e madhe, qoftë dhe me humbje jete janë jabanxhi, që nuk e njohin rrugën”, tha një tjetër.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • aleksadros: 23/04/2023 20:26

    ee cfare do te beje barrjer po ike si i marre

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Kapshticë/ 5 ditët e fundit, mbi 42 mijë hyrje dhe dalje në pikën e kalimit kufitar, shqiptarët kthehen në vendlindje për festat

Kapshticë/ 5 ditët e fundit, mbi 42 mijë hyrje dhe dalje në pikën e kalimit kufitar, shqiptarët kthehen në vendlindje për festat

26 Dhjetor, 10:05 nga Armand Braho